گه‌ڕان

Shadow Shadow
سیاسه‌تی

بۆ یەکەمجار لە 100 كاتژمێردا ملیۆنێک توشبووى کۆرۆنا تۆمارکرا

2020.07.18 - 11:31
App store icon Play store icon Play store icon
بۆ یەکەمجار لە 100 كاتژمێردا ملیۆنێک توشبووى کۆرۆنا تۆمارکرا

ناس کورد-



 بۆ یەكەمجار لەماوەی 100 كاتژمێردا لەسەرتاسەری جیهاندا ملیۆنێك توشبوو بەڤایرۆسی كۆرۆنا تۆمار کراوە، لەئێستاشدا ژمارەی توشبووان 14 ملیۆنی تێپەڕاندووە.

کەناڵی ناس کورد لە تێلیگرام جۆین بکە   

 

لەسەرەتای بڵاوبونەوەی ڤایرۆسەكەوە لەمانگی كانوونی دووەمی ئەم ساڵەوە و لەماوەی 3 مانگدا یەك ملیۆن توشبوو تۆماركراوە دواتر لە13 ی تەمموزدا بازیدا بۆ 13 ملیۆن توشبوو، لەماوەی 4 ڕۆژیشدا ئەو ڕێژەیە گەیشتە 14 ملیۆن توشبوو، ئەوەش بەپێى ئامارێكی ئاژانسی ڕۆیتەرز.

 

هێشتا ویلایەتە یەكگرتووەكانی ئەمریكا زۆرترین ڕێژەی توشبووی تێیدا تۆمار دەكرێت و گەیشتووەتە زیاتر لە 3 ملیۆن و 600 هەزار حاڵەت، ڕۆژی پێج شەممەی ڕابردووش زیاتر لە 77 هەزار حاڵەتی نوێ تۆماركراوە، ئەوە لەكاتێكدایە لەسوید لەسەرەتای بڵاوبونەوەی پەتاكەوە تائێستا 77 هەزار و 281 هەزار حاڵەتی توشبوون تۆمار كراوە.

 

ڕێكخراوی تەندروستی جیهانی دەڵێت، ژمارەی توشبوون بەڤایرۆسەكە لەسەرئاستی جیهان 3 بەرامبەر زیاترە لەتوشبوون بەپەتای ئەنفلۆنزای توندی ساڵانە.

 

بەپێی ئامارەكەی ئاژانسی ڕۆیتەرز كە پشتی بەڕاپۆرتی حكومەتەكان بەستووە، حاڵەتی توشبوون لە هەردوو ئەمریكا بەڤایرۆسەكە ڕێچكەی خێرای وەرگرتووە و ژمارەی توشبوون و مردن دەكاتە نیوەی توشبوون و مردن لەسەرتاسەری جیهاندا بەو ڤایرۆسە.

 

هەروەها لە بەرازیل زیاتر لەدوو ملیۆن توشبوو هەیە كە لەناویاندا سەرۆكی وڵاتی تێدایە و تا ئێستاش زیاتر لە 76 هەزار حاڵەتی مردن هەیە.

 

لەهیندستانیش حاڵەتی توشبوون ملیۆنیکى تێپەڕاندووە ڕۆژانەش نزیكەی 30 هەزار حاڵەتی نوێ تۆمار دەكرێت.