گه‌ڕان

Shadow Shadow
سیاسه‌تی

ئەهواز؛خۆپیشاندانی بەرفراوان لەدژی حكومەتی ئێران سەریهەڵدایەوە [ڤیدیۆ]

2020.07.17 - 17:41
App store icon Play store icon Play store icon
ئەهواز؛خۆپیشاندانی بەرفراوان لەدژی حكومەتی ئێران سەریهەڵدایەوە [ڤیدیۆ]

ناس کورد-

جارێكی تر شەپۆلی ناڕەزایەتی خەڵكی ئێران لەحكومەتەكەیان بەهۆی خراپی دۆخی ئابوورییەوە سەریهەڵدایەوە و خۆپیشاندەران لەچەند ناوچەیەكی پارێزگای خۆزستان دروشمیان بۆ ڕووخاندنی حكومەت بەرز كردەوە.

 

کەناڵی ناس کورد لە تێلیگرام جۆین بکە   

لەچەند گرتەیەكی ڤیدیۆیدا كە لەلایەن چالاکوانان و ئۆپۆزسیۆنی ئێرانیەوە بڵاوكراونەتەوە، سەدان هاووڵاتى ئێرانی لەشارەكانی كنكان و مەعشور لەهەرێمی ئەهواز كە ناوچەیەكی دەوڵەمەندە بەنەوت لەباشوری ئێران، گردبونەتەوە.

 

گردبونەوەكان هاوكاتە لەگەڵ ئەنجامدانی كۆنگرەیەك كە لەڕێگەی ئۆنلاینەوە بەڕێوەچوو و  تیایدا داوای ڕوخاندنی ڕەژێمی مەلالی ئێران کرا.

چالاکوانان دەڵێن، ناڕەزایەتیەكان لەشاری مەعشور ڕێگەی سەرەكی شارەكەیان بڕیوە و خۆپیشاندەرانی شاری كەنكانیش دروشم لەدژی سیاسیەتەكانی ڕژێمی ئێران دەڵێنەوە و داوای دەستلەكاركێشانەوەی حەسەن ڕۆحانی سەرۆككۆمار دەكەن.

 

پۆلیسی ئێرانیش دەڵێت، بەهێز توانیویانە خۆپیشاندانەكە لەباشووری وڵاتەوە كۆتایپێبهێنن كە بەهۆی بارودۆخی نالەباری ئابورییەوە بەرپا كراوە و دروشمیان بۆ ڕوخاندنی ئەو ڕژێمەی ئێران وتووەتەوە.

ماڵپەڕی نیتبلۆكس كە كاری چاودێریكردنی هێڵەكانی ئینتەرنێتە لەجیهاندا بڵاوی كردووەتەوە، لەگەڵ سەرهەڵدانی خۆپیشاندانەكاندا دەستڕاگەیشتن بەئینتەرنێت بۆ ماوەی 3 كاتژمێر زۆر ئاستەم بووە.

 

ئاژانسی ڕۆیتەرزیش لەسەر زاری شایەتحاڵەكان بڵاوی كردووەتەوە، هێزە ئەمنیەكان چەندین كەسیان لەبەهبان دەستگیر كردووە كە دەكەوێتە پارێزگای خۆزستانەوە لەباشووری ئەو وڵاتە.



ئاماژە بۆ ئەوەش كراوە، لەلایەن هێزە ئەمنیەكانەوە گازی فرمێسكڕێژ بۆ بڵاوەپێكردنی خۆپیشاندەران بەكارهێنراوە و لەوەڵامیشدا خۆپیشاندەران دروشمی :" مەترسن، مەترسن، هەمووان پێكەوەین" یان بەرزكردووەتەوە.



لای خۆشیەوە دەزگای هەواڵگری سوپای پاسداران لەپارێزگای خۆراسان ڕایگەیاندووە، چەند كەسێكی ئۆپۆزسیۆنیان بەتۆمەتی هاندانی خەڵكی بۆ ڕژانە سەر شەقامەكان دەستگیر كردووە.



هەر لەگرتە ڤیدیۆیەكاندا ئەوەش بەدەركەوتووە سەدان هاووڵاتی ئێرانی لەچەندین ناوچەوە دوێنێ (پێنجشەممە) ڕژاونەتە سەر شەقامەكان و دروشمیان لەدژی ڕژێمى ئێران وتووەتەوە لەوانە ئەو دروشمانەیان وتووە:"نە غەزە و نە لوبنان، ڕۆحمان فیدای ئێرانە" ئەوەش وەكو ئاماژەیەك بۆ ئەو پاڵپشتیە زۆرەی كە حكومەتی ئێران پێشكەشی میلیشیا چەكدارەكانی ئەو وڵاتانەی دەكات و هاووڵاتیانی خۆیشی بێبەش دەكات.