گه‌ڕان

Shadow Shadow
سیاسه‌تی

ئەو فۆتۆگرافەرە كوردەى كازمى كردوە بە ئەستێرەيەكى هۆڵيود و بوەتە جێى مشتومڕى عێراقيەكان كێيە؟

2020.07.16 - 23:44
App store icon Play store icon Play store icon
ئەو فۆتۆگرافەرە كوردەى كازمى كردوە بە  ئەستێرەيەكى هۆڵيود  و بوەتە جێى مشتومڕى عێراقيەكان كێيە؟

ناس کورد- 

هەر لەسەرەتاى وەرگرتنى پۆستى سەرۆك وەزيرانىعێراق، فۆگۆگرافەرەكەى مستەفا كازمى بوەتە جێى مشتومڕى عێراقيەكان لە تۆڕە كۆمەڵايەتيەكان، ئەويش بەهۆى ئەو وێنانەى كازمى كە دەيچركێنێت، هەندێك پێشوازى لە كارەكەى دەكەن و لاى هەندێكيش بوەتە جێى گاڵتەوگەپ، بەڵام هەموان بە تاسەوەن بزانن كێيە.

کەناڵی ناس کورد لە تێلیگرام جۆین بکە   

 

 

شێوازى هۆڵيودى

فۆتۆگرافەرەكەى كازمى هەر لەسەرەتاوە هاوسۆزى عێراقيەكانى بەلاى سەرۆكوەزيراندا ڕاكێشاوە و توانيويەتى سەرنجەكان بەلاى كازميدا ڕاكێشێت، ئەويش بەو ديمەنە سەرنجڕاكێشانەى وێنەيان دەگرێت و ئەو جوڵە تايبەتانەى كازمى كە هەندێك پێيان وايە شێوازى هۆڵيودى و سينەماييە، ئەوەش بوەتە هۆى ئەوەى كە هەميشە جێى مشتومڕ بێت.

 

وا دەردەكەوێت فۆتۆگرافەرەكەى كازمى باش لە سروشتى كۆمەڵگەى عێراقى گەيشتوە و دەزانێت چى هەست و سۆزيان ڕادەكێشێت و هەموان لەگەڵ هەركەسێكدان كە شێوەكى سەرنجڕاكێش و جێى مشتومڕ بێت و دەركەوتنێكى ڕاگەياندن و مەيدانى هەبێت، ئەوەش ئەوەيە كە هەر لەسەرەتاوە ئەم فۆتۆگرافەرە كارى لەسەر كردوە لە سەردانە مەيدانيەكانى كازميدا.

 

وێنەكانى كازمى لەسەر ئاستێكى فراوان لە تۆڕە كۆمەڵايەتيەكان بڵاودەكرێتەوە و چالاكوانان تۆمەتى ئەوە دەدەنە پاڵ ناوبراو كە هەندێك كات بەوێنە سەير و ناديارەكانى شەقام ڕادەكێشێت، وا دەردەكەوێت كە نامەيەكى بەهێز بۆ ڕاوەدونانى گەندەڵكاران و بەسزاگەياندنيان بڵاودەكاتەوە.

 

وێنەگرەكەى مستەفا كازمى

چالاكوانانى تۆڕە كۆمەڵايەتيەكان حەسرەتى ئەوەيان هەيە بزانن وێنەگرەكە كێيە، بەڵام تائێستا بێ دەرئەنجام بووە، بەڵام پێگەى "باب الشرق" ناسنامەى ئەو وێنەگرەى ئاشكرا كردوە.

 

سەرچاوەكان باس لەوەدەكەن، وێنەگرەكەى سەرۆك وەزيران هونەرمەندێكى كوردە بەناوى "جەمال پێنجوێنى"، ئەم وێنەگرە گەيشتوەتە پێگەيەكى جيهانى و چەندين خەڵاتى بردوەتەوە ئەويش بەو وێنانەى كە ڕاستى تراژيدياكان پيشان دەدەن.

 

جەمال پێنجوێنى ساڵى 1981 لە يەكێك لە خێوەتگەكانى پەنابەران لەسەر سنورەكانى عێران لەدايك بووە دوور لە شارۆچكەى "پێنجوێن"، ئەويش لەكاتى شەڕى هەشت ساڵە عێراق و ئێراندا، بە دەنگى چەك گەورە بووە بەڵام لە منداڵانى تر جياواز بووە، ئەم فۆتۆگرافەرە بەردەوام چاودێرى ئەو وێنەگرانەى كردوە كە سەردانى خێوەتگەكەيان دەكرد بۆ ئامادەكردنى ڕاپۆرت و چيرۆك لەسەر ئاوارەكان و مەينەتيەكانيان.

 

جەمال پێنجوێنى بەردەوام سەرنجى لەسەر كامێراكانى وێنەگرەكان بووە و هەر لە منداڵيەوە عەشقێكى جوان لەنێوان ئەو منداڵە و ئامێرادا دروست بووە و ئەو عەشقەش ڕۆژ لەدواى ڕۆژ قوڵتر بووەتەوە.

 

ئەو كوڕە پێنجوێنيە لەيەكێك لە چاوپێكەوتنەكانيدا دەڵێت، سەيرى وێنەگر و ڕۆژنامەنوسەكانم دەكرد كە سەردانى خێوەتگەكەيان دەكرد، بەخۆمم دەوت كەى ڕۆژێك لە ڕۆژان وەك ئەوان دەبمە وێنەگر.

 

جەمال پێنجوێنی لەنێوان ساڵانى 1992 بۆ 1998 بەهۆى شەڕى ناوخۆى هەرێمى كوردستانەوە لە خوێندن دابڕا، لەساڵى 1999 لەلايەن جەلال تاڵەبانى سەرۆك كۆمارى پێشووترى عێراق و هێرۆ ئيبراهيم ئەحمەى هاوسەريەوە برايە سلێمانى و هاوكاريان كرد بۆ تەواوكردنى خوێندنەكەى ئەو كاتەش تەمەنى 17 ساڵ بووە و دواتريش كامێرايەكى كڕيوە.

 

پێنجوێنى دەڵێت: "دواى ئەوەى چومە سلێمانى كامێرايەكم كڕى و دەستم كرد بە وێنەگرتنى ئەو پەيكەر و هەڵكەندراوانەى خۆى دروستم دەكردن، هەر لە تەمەنى هەشت ساڵيەوە فێرى هونەرى پەيكەرسازى بووم."

 

لەگەڵ دەستپێكردنى شەڕى داگيركردنى عێڕاق لەساڵى 2003 و ڕوخانى ڕژێمى سەدام حسێن جەمال پێنجوێنى چوەتە بەغدا و ناوچەكانى ترى عێراق بۆ وێنەگرتن، وێنەى جەنگ و شەڕى شەقامەكانى دەگرت و وێنەى ژيانى لە عێراق بەهۆى جەنگەوە دەگواستەوە بۆ جيهان.

تا ساڵى 2009 لەو كارەى بەردەوام بوو، لەماوەى ئەو شەش ساڵەدا وەك وێنەگرێكى ڕۆژنامەوان كارى بۆ چەندين ڕۆژنامە و ئاژانسى گرنگ كردوە، وەك "ڕۆيتەرز"، "نيويۆرك تايمز"، "گارديان"، "ناشناڵ جيۆگرافيك"، "BBC"، "واشنتۆن پۆست" و "فاينانشياڵ تايمز" و چەندين ڕۆژنامەى ترى نێودەوڵەتى.

 

كودەتاى هەوڵەكان بەسەر خاوەنەكەيدا

ئەو هەوڵە زۆرەى جەمال داى دواتر لێى هەڵگەڕايەوە، دواى ئەوەى بووە وێنەگرى كازمى ڕخنەيەكى زۆرى ڕووبەڕوو كراوەتەوە و سەرەڕاى ئەوەش بەهۆى هەندێك وێنەوە ڕاى گشتى و دەزگا ڕاگەياندنەكانى هەندێك حزب دژى كازمى وەستاون.

 

دواى سەردانەكەى كازمى بۆ كەربەلا وێنەى پاڕانەوەى لە يەكێك لە مەزارگەكاندا بووەتە جێى گاڵتەى زۆرێك و پرسارى ئەوە دەكەن ئەى وێنەگرەكە لەكوێدا وەستاوە، هەروەها چەندين وێنەى پێكەنيناوى كازمى بڵاودەكرێنەوە و ڕەخنە ڕووبەڕووى وێنەگرەكەى كراوەتەوە.

 

ڕەخنەگران دەڵێن، ئەو فۆتۆگرافەرە كاريگەرى سينەما جيهانيەكانى بەسەرەوەيە و ديمەنى فيلم و زنجيرە دراما جيهانيە بەناوبانگەكانى وەك  "The Godfather" و "House of Cards" دوبارە دەكاتەوە، هەروەها وێنە تايبەتەكانى ڤلاديمێر پۆتن سەرۆكى ڕوسيا دوبارە دەكاتەوە.