گه‌ڕان

Shadow Shadow
سیاسه‌تی

ئامارێکى نوێی پێوانەیی کۆرۆنا لەجیهان ’زیاتر لە 230 هەزار توشبوو لە رۆژێکدا’

2020.07.12 - 23:33
ئامارێکى نوێی پێوانەیی کۆرۆنا لەجیهان ’زیاتر لە 230 هەزار توشبوو لە رۆژێکدا’

ناس کورد-

ڕێکخراوى تەندروستى جیهانى ڕایگەیاند، ئامارى رۆژانەى توشبوون بە ڤایرۆسى کۆرۆنا ژمارەیەکى پێوانەیی تۆمارکردووە و ژمارەى پێشووى شکاندووە.

 

بەپێی راپۆرتى رۆژانەى رێکخراوەکە، لەماوەى 24 کاتژمێردا 230,370 حاڵەتى توشبوون بە کۆرۆنا لەسەر ئاستى جیهان تۆمارکراوە کە بەرزترین ئامارى توشبونى رۆژانەیە، ئەوەش بەپێی ئاژانسى رۆیتەرز.

 

ئاماژەى بەوەشکردووە،  ئامارى مردن بە کۆرۆنا بەجێگیرى ماوەتەوە و رۆژانە نزیکەى پێنج هەزار حاڵەت لەسەر ئاستى جیهان تۆماردەکرێت.



ژمارەى پێشووى پێوانەی توشبوون بە کۆرۆنا لەسەر ئاستى جیهان لەرۆژى 10ى ئەم مانگەدا تۆماکرابوو کە 228,102 حاڵەتى توشبوون بوو.

 

بەگوێرەى راپۆرتى ڕێکخراوەکە، زۆرترین ئامارى توشبوون ئەمڕۆ (یەکشەممە) لە ئەمریکا، بەرازیل، هندستان و باشورى ئەفریقا تۆمارکراون.



کۆى گشتى ئامارەکانى توشبوون بە ڤایرۆسى کۆرۆنا لەئێستادا لە 13 ملیۆن حاڵەت نزیکبووەتەوە، کە  565,000 یان گیانیان لەدەستداوە.