گه‌ڕان

Shadow Shadow
سیاسه‌تی

لەڕێگەی چەند پێشنیازێکەوە حکومەت جێبەجێکردنی یاسای چاکسازی خێراتر دەکات

2020.07.06 - 14:55
لەڕێگەی چەند پێشنیازێکەوە حکومەت جێبەجێکردنی یاسای چاکسازی خێراتر دەکات

ناس کورد-

جارێکیتر لیژنەی باڵای جێبەجێکردنی یاسای چاکسازی کۆبووەوە و گفتوگۆ لەبارەی هەنگاوەکانی جێبەجێکردنی یاسای چاکسازی کرا و چەند پێشنیازێک خرایەڕوو بۆ ئاسانکاریکردن و خێراتر جێبەجێکردنی یاسای چاکسازی و لە کۆبوونەوەی داهاتوو پەسەند دەکرێن.

 

 

ئەمڕۆ (دووشەممە، 6ی حوزەیرانی 2020)، لە رێگەی ڤیدیۆ کۆنفرانسەوە کۆبوونەوەی لیژنەی باڵای جێبەجێکردنی یاسای چاکسازی بە سەرپەرشتی مەسرور بارزانی، سەرۆکی حکومەتی هەرێم ئەنجامدرا.

 

بەگوێرەی ڕاگەیەندراوی کۆبوونەوەکە، لە کۆبوونەوەکەدا کە قوباد تاڵەبانی جێگری سەرۆکی حکومەت و ژمارەیەک لە وەزیرە پەیوەندیدارەکان بەشداربوون، گفتوگۆ دەربارەی هەنگاوەکانی جێبەجێکردنی یاسای چاکسازی و رەشنووسی ژمارەیەک پەیڕەوی تایبەت بە چاکسازی کرا.

 

ئاماژە بەوەشكراوە، دوای گفتوگۆکردن دەربارەی ڕەشنووسی چەند پەیڕەوێکی ناوخۆ کە لە پێناو ئاسانکاریکردن بۆ جێبەجێکردنی یاسای چاکسازی ئامادەکراون، تێبینی و سەرنجی پێویست لە لایەن بەشداربووانەوە خرایەڕوو، پاشان بڕیاردرا لە کۆبوونەوەی داهاتووی ئەنجومەنی وەزیران پەسەند بکرێن.

 

11ی کانونی یەکەمی 2019 ئەنجومەنی وەزیرانی هەرێم، پڕۆژە یاسای چاکسازی پەسەندکرد و لە 16ی کانونی دووەمی 2020دا، یاساکە لەلایەن پەرلەمانەوە پەسەند کرا، دواتریش لە 4ی شوباتی 2020، نێچیرڤان بارزانی، سەرۆکی هەرێمی کوردستان، یاساکەی واژوو کرد و لە 1ی تەموزی 2020-یشدا یاساکە خرایە بواری جێبەجێکردنەوە.