گه‌ڕان

Shadow Shadow
سیاسه‌تی

بۆ گەشت چوبوو بەڵام لەکاتى وێنەگرتن لە بەرزاییەکی زۆرەوە کەوتەخوارەوە و گیانیلەدەستدا

2020.07.06 - 11:39
App store icon Play store icon Play store icon
بۆ گەشت چوبوو بەڵام لەکاتى وێنەگرتن لە بەرزاییەکی زۆرەوە کەوتەخوارەوە و گیانیلەدەستدا

ناس کورد-

لە ڕووداوێکدا لە ناوچەی گەشتیاریی "دۆڵی مەزن" لە ولایەتی ئەریزۆنا لە ئەمریکا ژنێک لەکاتی وێنەگرتندا لەبەرزاییەکی زۆرەوە کەوتە خوارەوە و گیانیلەدەستدا، دۆڵەکە پەیوەندییەکی پتەوی لەگەڵ کوشتنی گەشتیاراندا هەیە و ساڵانە 12 کەس بەهۆی ڕووداوی جیاوازەوە لەوێ گیانلەدەستدەدەن.

 

کەناڵی ناس کورد لە تێلیگرام جۆین بکە   

بەگوێرەی ڕۆژنامەی دەیلی مەیل، لەناوچەی گەشتیاری دۆڵی مەزن لە ولایەتی ئەریزۆنای ئەمریکا کە ناوچەیەکی گەشتیاری بەرز و مەترسیدارە، ژنێکی تەمەن 59 ساڵ بەناوی ماریا سەلگادۆ لۆپێز لەبەرزی 30 مەترەوە کەوتووەتەخوارەوە و گیانیلەدەستداوە.

 

ئاماژە بەوەشکراوە، ڕووداوەکە لەکاتێکدا ڕوویداوە کە ماریا لەگەڵ خێزانەکەی بەناوچە گەشتیارییەکەدا ڕۆشتوون و سەرقاڵی وێنەگرتن بوون.

 

بەگوێرەی دەیلی مەیل، لەکاتێکدا ڕۆژی هەینی ڕابردوو ڕووداوەکە ڕوویداوە و ماریا کەوتووەتەخوارەوە، بەڵام دوێنێ یەکشەممە توانراوە تەرمەکەی هەلبگیرێتەوە و بدرێتەوە بە خێزانەکەی.

 

 ئەو دۆڵە گەشتارییە، پەیوەندییەکی پتەوی لەگەڵ ڕووداوەکانی مردن هەیە، بەشێوەیەک تەنها لەساڵی 2018دا 17 کەس لەو ناوچەیە کەوتوونەتەخوارەوە و گیانیانلەدەستداوە، ساڵی ڕابردووش چوار کەس هەرلەوێ کەوتونەتەخوارەوە گیانیانلەدەستداوە.

 

ڤانیسا سیرڤانتس، وتەبێژی پارکی گراند کانیۆن، دەڵێت، بەگشتی ساڵانە 12 لە ناوچەی گەشتیاریی دۆڵی مەزن گیانلەدەستدەدەن کە زۆرینەیان بەهۆی کەوتنەخوارەوە و سەرقاڵبوونە بە وێنەگرتن، یاخود خنکان.