گه‌ڕان

Shadow Shadow
سیاسه‌تی

لە تەندروستیی جیهانییەوە ژمارەیەک ئامێری هەناسەدانی دەستکرد گەیشتە عێراق

2020.07.03 - 23:00
لە تەندروستیی جیهانییەوە ژمارەیەک ئامێری هەناسەدانی دەستکرد گەیشتە عێراق

ناس کورد-

رێكخراوی تەندروستیی جیهانی رایگەیاند، 200 ئامێری هەناسەدانی دەستكردیان رەوانەی عێراق كردووە و دەشڵێت، ئامێرەکان بەبێ جیاوازی بەسەر سەرجەم پارێزگاكانی عێراقدا دابەش دەكرێن.

 

ئەمڕۆ هەینی 3ی تەموزی 2020، ئەدهەم ئیسماعیل، نوێنەری رێكخراوی تەندروستی جیهانیی لەعێراق بە ئاژانسی فەرمی عێراقی رایگەیاند، "ڕێکخراوی تەندروستیی جیهانی 200 ئامێری هەناسەدانی دەستکردی  بۆ بەرەنگاربوونەوەی کۆرۆنا رەوانەی عێراق كرد".

 

ئاماژەی بەوەشکردووە، ئامێرەکان  پێویستییان بە بوتڵی ئۆكسجین نییە و خۆیان ئۆكسجین بەرهەم دەهێنن، بەبێ جیاوازیش بەسەر سەرجەم پارێزگاكانی عێراقدا دابەش دەكرێن.

 

نوێنەری ڕێکخراوی تەندروستیی جیهانی لە عێراق ئەوەشی خستووەتەڕوو: "ڕاستە ئەو ژمارەیە پێداویستییەكانی نەخۆشخانەكانی عێراق پڕناکاتەوە، بەڵام ئەو فشارە کەمدەکاتەوە کە دروستبووە".