گه‌ڕان

Shadow Shadow
وه‌رزش

راستی هەوڵەكانی مانچستەر سیتی بۆ گواستنەوەی میمی ئاشكرا دەكرێت

2019.04.17 - 15:07
App store icon Play store icon Play store icon
راستی هەوڵەكانی مانچستەر سیتی بۆ گواستنەوەی  میمی  ئاشكرا دەكرێت

کەناڵی ناس کورد لە تێلیگرام جۆین بکە   

ناس كورد-
یانەی شورتە لەڕێگەی ناس كورد-ەوە ڕاستی هەوڵەكانی مانچستەر سیتی بۆ گواستنەوەی "میمی" ئاشكرا دەكات.

.

ئەمڕۆ (چوارشەممە 17ی نیسانی 2019) عەلی بەهادلی، وتەبێژی یانەی شورتە بە ناس كورد-ی ڕاگەیاند:"لە وەرزی ڕابردوودا گفتوگۆیەك لە نێوان یانەكەمان و یانەی مانچستەر سیتی ئینگلیزی هەبوو، بۆ گواستنەوەی "میمی" هێرشبەری یانەكەمان".

.

وتەبێژی یانەی شورتە روونیكردەوە، هەرچەندە ئەوان ڕازیبوون بە داخوازییەكەی یانە ئینگلیزییەكە، بەڵام تا ئێستا هیچ هەنگاوێكی فەرمی بۆ گواستنەوەی موهەنەد "میمی" بۆ ئەو یانە ئینگلیزییە نەنراوە.

.

لە ڕابردوودا بەپێی ڕاپۆرتێكی ماڵپەڕی "فوتبۆڵ ئینسایدەر"ی بەڕیتانی، هەریەك لە یانەكانی گلاسكۆ ڕینجەرزی سكۆتلەندی و ناپۆلی ئیتاڵی و بروسیا درۆتمۆندی ئەڵمانی و ئەندەر لەختی بەلجیكی گرنگیان بە تواناكانی هێرشبەرە لاوەكەی هەڵبژاردەی عێراق داوە.

.

لەو بارەیەوە 28ی كانوونی دووەمی 2019 وتەبێژی یانەی شورتە بە ناس كورد-ی وتبوو، چەندین گرێبەستی لەسەریەكیان بۆ گواستنەوەی "میمی" پێگەیشتووە، كە دیارترینیان لە خولی میسڕی و توركیە، سەرەڕای پێشكەشكردنی گرێبەست لەلایەن یۆڤانتۆسی ئیتاڵی و بەنفیكای پرتوگالی.

.

موهەنەد عەلی ناسراو بە "میمی" تەمەنی 18 ساڵە و لە یارییەكانی جامی نەتەوەكانی ئاسیای 2019 لەگەڵ هەڵبژاردەی عێراق ئاستێكی بەرزی پێشكەش كرد و بەو هۆیەوە بووەتە جێی سەرنجی زۆر یانەی ئاسیایی و ئەوروپی.

.