گه‌ڕان

Shadow Shadow
سیاسه‌تی

عێراق؛ 1688 توشبووی کۆرۆنا چاکبوونەوە.. توشبووان 56 هەزاری تێپەڕاند

2020.07.03 - 16:49
عێراق؛ 1688 توشبووی کۆرۆنا چاکبوونەوە.. توشبووان 56 هەزاری تێپەڕاند

ناس کورد-

وەزارەتی تەندروستیی عێراق ئاماری ئاماری 24 کاتژمێری ڕابردووی تایبەت بە کۆرۆنای بڵاوکردەوە و ڕایگەیاند، دوو هەزار و 312 حاڵەتی نوێی ڤایرۆسەکە دەستنیشانکراون و هەزار و 688 توشبووش چاکبوونەتەوە و هەروەها 102 توشبووی دیکە گیانیانلەدەستداوە.

 

ئەمرۆ هەینی 3ی تەموزی 2020، وەزارەتی تەندروستیی عیراق ڕایگەیاند: " لە 24 کاتژمێری ڕابردوودا 12 هەزار و 176 پشکنینی کۆرۆنا ئەنجامدراون و دوو هەزار و 312 حاڵەتی نوێ دەستنیشانکراون".

 

ئاماژەی بەوەشكردووە، هەروەها هەزار و 688 توشبوو چاکبوونەتەوە و 102 توشبووی دیکەش گیانیانلەدەستداوە.

 

بەگوێرەی ڕاگەیەندراوەکە، کۆی گشتیی توشبووان 56 هەزار کەسی تێپەڕاند و چاکبووان گەیشتە نزیکەی 30 هەزار کەس و تائێستاش دوو هەزار و 262 توشبوو گیانیانلەدەستداوە.