گه‌ڕان

Shadow Shadow
سیاسه‌تی

پەرلەمانتارێك: مایەی سەرسوڕمانە بێ هیچ هۆكارێك وەزارەتی دارایی خەرجکردنى موچەی دواخستووە

2020.07.02 - 11:21
App store icon Play store icon Play store icon
پەرلەمانتارێك: مایەی سەرسوڕمانە بێ هیچ هۆكارێك وەزارەتی دارایی خەرجکردنى موچەی دواخستووە

ناس کورد- 

پەرلەمانتارێكی دەوڵەتی یاسا سەرسوڕمانى خۆى دەردەبڕێت لە دواكەوتنی موچەی فەرمانبەران و خانەنشینان و داوا لەسەرۆكى حكومەت دەكات دەستوەردان بكات. 

 

کەناڵی ناس کورد لە تێلیگرام جۆین بکە   

لەڕاگەیەنراوێكدا مەنسور بەعیجی، پەرلەمانتاری دەوڵەتی یاسای سەر بەنوری مالیكی لەپەرلەمانی عێراق ڕایگەیاند، توشی سەرسوڕمان بوون لەدواكەوتنی موچەی فەرمانبەران و خانەنشیان بۆ مانگی حوزەیران بەتایبەت دوای ئەوەی لایەنی پەیوەندیداری دارایی ئەوەی ڕاگەیاند سیولەی سێ مانگی داهاتوویان لەبەردەستدایە و تا ئێستاش فەرمانبەران موچەكەیان وەرنەگرتووە و هۆكاری دواكەوتنەكەشی نازانن.

 

ئاماژەی بۆ ئەوەش كرد، بێسەروبەریەكی ڕوون بە دەزگاكانی دەوڵەت بەتایبەت وەزارەتی داراییەوە دیارە چونكە هەفتەیەك پێش ئێستا سەرۆكوەزیران فەرمانی پێكردوون بە خەرجکردنى موچەی فەرمانبەران و خانەنشینان كەچی تا ئێستا وەزارەتی دارایی موچەكەی نەداوە و هۆكارەكەشی ڕووننەكردووەتەوە.



بەعیجی باسی لەوەش كرد، ئەوان لەپەرلەمان دەنگیان بۆ یاسای قەرزكردن داوە بۆ بەدەستهێنانی سیولەی دارایی كەچی لایەنی فەرمی حكومەت دەڵێت سیولە هەیە و موچەكەش نەدراوە.

 

ئەو پەرلەمانتارە داواشی لەمستەفا كازمی سەرۆكوەزیران كرد بەپەلە بجوڵێت و فەرمان بە خەرجكردنی موچەكە بكات لەماوەی دوو ڕۆژی داهاتوودا لەوە زیاتریش دوانەكەوێت.