گه‌ڕان

Shadow Shadow
سیاسه‌تی

هەناردەى نەوتى عێراق کەمیکردووە بەڵام داهاتەکەى زیادیکردووە

2020.07.01 - 13:15
App store icon Play store icon Play store icon
هەناردەى نەوتى عێراق کەمیکردووە بەڵام داهاتەکەى زیادیکردووە

ناس کورد-

هەناردەى نەوتى عێراق لە مانگى ڕابردوودا بەراوردا بە مانگى ئایار کەمیکردووە بەڵام داهاتەکەى زیادیکردووە، ئەوەش بەپێی ئامارەکانى وەزارەتى نەوتى عێراق.

کەناڵی ناس کورد لە تێلیگرام جۆین بکە   

 

وەزارەتەکە ئەمڕۆ لە ڕاگەیەنراوێکدا دەڵێت، مانگى ڕابردوو 84 مليۆن و 490 هەزار و 194 بەرمیل نەوت هەناردەکراوە کە داهاتەکەى زیاتر بووە لە دوو ملیار و 861 مليۆن و 140 هەزار دۆلار.

 

عاسم جیهاد، وتەبێژى وەزارەتەکە ئاماژەى بەوەکردووە، لەو بڕەى نەوتە 81 مليۆن و 7  هەزار و 675 بەرمیلى لە کێڵگەکانى باشور و ناوەڕاستەوە هەناردەکراوە، ئەوەى دیکەشى لە کێڵگەکانى کەرکوکەوە هەناردەکراوە کە سێ ملیۆن و 482 هەزار و 519 بەرمیل بووە.

 

باسى لەوەشکردووە، رۆژانە دوو ملیۆن و  816 هەزار بەرمیل هەناردەکراوە و نرخى هەر بەرمیلێک بە 33.864  دۆلار فرۆشراوە.

 

ئەوە لەکاتێکدایە، بەپێى ئامارەکانى وەزارەتى نەوت، مانگى ڕابردوو 99 ملیۆن 585 هەزار و 283 بەرمیل هەناردەکرابوو، کە داهاتەکەى زیاتر بووە لە 2 مليار و91 مليۆن  و 811 هەزار دۆلار، هەر بەرمیلێکیش بە  21.005 دۆلار فرۆشرابوو.