گه‌ڕان

Shadow Shadow
سیاسه‌تی

وەزارەتی پەروەردەی هەرێم لەبارەى ’دواخستنی تاقیکردنەوە گشتییەکان’ ڕوونکردنەوەى دا

2020.07.01 - 10:12
وەزارەتی پەروەردەی هەرێم لەبارەى ’دواخستنی تاقیکردنەوە گشتییەکان’ ڕوونکردنەوەى دا

ناس کورد-

بەڕێوبەرایەتی گشتی ئەزمونەکان لە وەزارەتی پەروەردەی هەرێم ڕایگەیاند، شەوی ڕابردوو هەندێک پەیج "نوسراوێکی شێوێندراو و ساختەیان بەناوی وەزارەتمان بڵاوکردەوە سەبارەت بە دواخستنی تاقیکردنەوە گشتییەکانی قۆناغی 12ی ئامادەیی، بەهەموو لایەک ڕادەگەیەنین ئەو نوسراوە ڕاست نییە." 

 

ئەمڕۆ چوارشەممە، 1ی تەموزی 2020، بەڕێوەبەرایەتییەکە دەڵێت، "داواکارین مامۆستایان و قوتابیان و خوێندکاران و خانەوادەکانیان هەواڵ و بریارەکانی وەزارەت لە کەناڵە میدیاییە فەرمیەکانی وەزارەت وەربگرن کە بریتین لە کەناڵی ئاسمانی پەروەردەی و وێب سایتی وەزارەت و چەناڵی فەرمی وەزارەت لە ڤایبەر و پەیجی فەرمی وەزارەت لە تۆڕی کۆمەڵایەتی فەیسبوک کە ناسێنراوە لەلایەن کۆمپانیای فەیسبوک."

 

دەشڵێت، "دەربارەی ئەو پەیج و ئەکاونتە فەیکانەش کە هەواڵی نادروست بڵاودەکەنەوە و کاریگەری خراپ لەسەر دەرونی قوتابیان دادەنێن لەگەڵ لایەنی پەیوەندیدار هەماهەنگیمان هەیە بۆ روبەروکردنەوەیان بە دادگاکان."