گه‌ڕان

Shadow Shadow
سیاسه‌تی

هۆکاری تەقینەوەکەی تاران ئاشکرکرا کە بووە هۆی مردنی 17 کەس و برینداربوونی دەیانی تر

2020.06.30 - 22:42
هۆکاری تەقینەوەکەی تاران ئاشکرکرا کە بووە هۆی مردنی 17 کەس و برینداربوونی دەیانی تر

ناس کورد-

دوای ڕوودانی تەقینەوەکی بەهێز لە نەخۆشخانەیەکی ناوەڕاستی تارانی پایتەختی ئێران، میدیاکانی ئەو وڵاتە بڵاویانکردەوە، تەقینەوەکە بەهۆی دزەکردنی غازەوە ڕوویداوە و بەهۆیەوە 17 کەس گیانیانلەدەستداوە و دەیانی دیکەش برینداربوون.

 

میدیاکانی ئێران دەڵێن، تەقینەوەکەی نەخۆشخانەی سینا لە ناوچەى تگریچ لە باکوری تاران، شەش کەس تەنها لە ژووری نەشتەرگەری گیانیان لەدەستداوە.



هاوکات حامید ڕەزا جۆدرزی، جێگری حاکمی شاری تاران ڕاگەیاندووە، تەقینەوەکە بەهۆی دزەکردنی غازەوە ڕوویداوە، زیانێکی زۆری بە چەند باڵەخانەیەک گەیاندووە و شوشەی پەنجەرەی چەند باڵەخانەیەکی دراوسێشی شکاندووە.



ڕوودانی تەقینەوەکەی ئەمشەوی ئەو نەخۆشخانەیە لەکاتێکدایە، لە هەفتەی رابردووشدا، تەقینەوەیەکی دیکە هەر لە تاران ڕوویدا، بەڵام دەسەڵاتدارانی ئێران ئاماژەیان بەهیچ قوربانییەک نەکرد لەو تەقینەوەیەدا و ڕایانگەیاند، تەقینەوەکە لەشوێنێکی گشتییدا ڕوویداوە.