گه‌ڕان

Shadow Shadow
سیاسه‌تی

تورکیا پێداویستى پزیشکى ڕەوانەى عێراق دەکات .. دەدرێتە هەموو شارەکان

2020.06.30 - 08:45
تورکیا پێداویستى پزیشکى ڕەوانەى عێراق دەکات .. دەدرێتە هەموو شارەکان

ناس کورد-

باڵیۆزى تورکیا لە عێراق رایگەیاند، بەمزووانە وڵاتەکەى وەک پشتیوانییەکى حکومەتى عێراق لە روبەروبوونەوەى پەتاى کۆرۆنا، چەندین پێداویستى پزیشکى ڕەوانەى عێراق دەکات.

 

فاتح یەڵدز، باڵیۆزى تورکیا لە عێراق لە تویتێکدا لە هەژمارى تویتەرى خۆى بڵاوى کردەوە "وا بڕیارە ئەمڕۆ (سێشەممە) پێداویستییە پزیشکییەکان بگەنە فڕۆکەخانەى نێودەوڵەتى بەغدا".

 

ئاماژەى بەوەش کردووە بەگوێرەى رێنماییەکانى رەجەب تەیب ئەردۆگان، سەرۆککۆمارى تورکیا پێداویستییەکان ڕادەستى بەرپرسانى عێراق دەکرێت، وەک پاڵپشتی و هاوکارییەکى عێراقى دراوسێ و برامان لە روبەڕوبوونەوەى ڤایرۆسى کۆرۆنا".

 

بەگوێرەى تویتەکەى باڵیۆزى تورکیا لە عێراق، پێداویستییە پزیشکییەکان کە دیارییەکى تورکیایە بۆ گەلى عێراق دەدرێتە وەزارەتى تەندروستى عێراق و پارێزگاى واست و کەرکوک و نەینەوا.

 

ناردنى ئەو پێداویستییە پزیشکیانە لەلایەن تورکیاوە لە کاتێکدایە کە ئەو وڵاتە لەشکرکێشییەکى بۆ سەر هەرێمى کوردستان لە رێگەى ئاسمانى و زەمینى دەستپێکردووە بە بیانووى راوەدونانى گەریلاکانى پارتى کرێکارانى کوردستان (پەکەکە) و بەهۆى لەشکرکێشییەکەوە زیانى گیانى و ماددى بەر هاووڵاتیانى سڤیلى چەند ناوچەیەک گەیەنراوە.