گه‌ڕان

Shadow Shadow
سیاسه‌تی

پزیشکێک هەناسەدانێکی تەندروست بۆ خۆپاراستن لە کۆرۆنا ئاشکرا دەکات

2020.06.29 - 18:12
پزیشکێک هەناسەدانێکی تەندروست بۆ خۆپاراستن لە کۆرۆنا ئاشکرا دەکات

ناس کورد- 

پسپۆڕێكی پزیشكی دەڵێت، هەناسە وەرگرتن لەڕێگەی لوت و دانەوەی لەڕێگەی دەمەوە كە یەكێكە لە تایبەتمەندییەكانی ڕاهێنانی یۆگاش، پێدەچێت توانای بەهێز لە جەستەدا دروست بكات بۆ بەرەنگاربوونەوەی ڤایرۆسەكان بە كۆرۆناشەوە.

 

دكتۆر لویس ئەنجارۆ كە ساڵی 199 خەڵاتی نۆبڵی لە پزیشكیدا پێبەخشراوە دەڵێت: "هەناسەدان دەبێتەهۆی كردنەوەی بۆشاییەكانی لوت و  بەوەش دەردانی گەردیلەی ئۆكسیدی نەتریك ڕودەدات كە لەڕێگەی خوێنەوە دەگاتە سیییەكان و دواتر ئۆكسجین لەخوێندا بەهێزتر دەبێت". 

 

ئاماژەی بۆ ئەوەشكردووە، هەناسەدان لەڕێگەی لوتەوە دەبێتە هۆی چوونە ناوەوەی ئۆكسیدی نەتریك بە ڕاستەوخۆ بۆ سییەكان و یارمەتی بەرەنگاری پەتای كۆرۆناش دەدات بۆ ئەوەی لەناو سییەكاندا نەشونەما نەكات.



ئەوانەشی كە لەكاتی ڕاهێنانی یاری یۆگادا ئەو ڕەفتارەیان ئەنجامداوە سودیان لەو جۆرە هەناسەدانە لەڕێگەی لووتەوە لەبری دەم وەگرتووە كە بووەتە هۆی تێربوونی ئۆكسجین لەخوێندا.



ئۆكسیدی نەتریك گەردیلەیەكی بەرفراوانە كە دەبێتەهۆی چەندین گۆڕانگاری فسیولۆژی جیاجیا و هەروەها لەكلینیكەكانیشدا وەكو گازێك بۆ كردنەوەی خوێبنەرەكانی سیییەكان بەكاردەهێنرێت.

 

لەئێستاشدا هەڵمژینی ئۆكسیدی نەتریك وەكو تاقی كردنەوەیەك بۆ چارەسەر كردنی چەند كێشەیەكی توشبووی كۆرۆنا لەنەخۆشخانەكاندا بەكار دەهێنرێت بەئومێدی چارەسەركردنی سێ گرفتی سەرەكی، لەوانە كردنەوەی خوێبنەری سیییەكان و سوڕانی زۆرتری بەناوخوێندا هەر لەڕێگەی سییەكانەوە و زیاتر گەیاندنی ئۆكسجین بۆ سییەكان و خوێن و ڕێگەگرتن لەنەشمونما كردنی ڤایرۆسی كۆرۆنا لەناو سیییەكاندا.