گه‌ڕان

Shadow Shadow
سیاسه‌تی

ميليشياكانى عێراق.. لە ياخيبونەوە بۆ ڕوبەڕوبونەوەى ڕاستەوخۆ

شارەزايەكى ئەمنى: لەچەند ڕۆژى داهاتودا ڕوبەڕوبونەوەيەكى تر ڕودەدات

2020.06.28 - 19:03
شارەزايەكى ئەمنى: لەچەند ڕۆژى داهاتودا ڕوبەڕوبونەوەيەكى تر ڕودەدات

ناس کورد-

شارەزایەکى ئەمنى عێڕاقى لەو بڕوایەدایە، دواى پرۆسەكەى دۆرە (كە تێيدا چەند ئەندامێكى كەتيبەكانى حزبوڵڵا دەستگير كران) لە چەند ڕۆژى داهاتودا ڕوبەڕوبونەوەيەكى تر ڕودەدات و ئەمجارە ئازادكردنى خاڵە سنوريەكان و فڕۆكەخانەكان و بەندەرەكان دەبێت لە مافيا گەندەڵەكان.

 

هيشام هاشمى، شارەزاى ئەمنى عێراقى لە تويتێكدا لە هەژمارى خۆى لە تويتەر نوسيويەتى، لەچەند ڕۆژى داهاتودا و دواى پڕۆسەكەى دۆرە ڕوبەڕوبونەوەيەكى نوێ ڕوودەدات، تێيدا خاڵە سنوريەكان و بەندەرەكان و فڕۆكەكان لە گروپە مافيا گەندەڵەكان ئازاد دەكرێن، هەروەها ناوى گەندەڵكاران و كوڕانى بەرپرسەكان كە تێوەگلاون لە دزپێكردنى هێڵەكانى ئينتەرنێت ئاشكرا دەكرێن.

 

هاشمى لە لێدوانێكيشدا بۆ ڕۆژنامەى  شەرقولئەوسەت باسى لەوەكردوە، ئاشكرايە كە شانەكانى كاتيۆشا سەر بە ميحوەرى "بەرگرى ئيسلامى"ن، لەماوەى چەند مانگى ڕابردودا ئەو گروپانە زنجيرەيەك گۆڕانكاریيان بە خۆيانەوە بينيوە، بە ياخيبون لە دەوڵەت دەستى پێكرد و دواتر بەرەنگاربونەوەى و دواتریش ڕوبەڕوبونەوەى.

 

ڕونيشيكردوەتەوە، قۆناغى ياخيبون لە سەرەتاى ئەمساڵەوە بوو كاتێك "قاسم سولەيمانى" فەرماندەى پێشوى فەيلەقى قودسى ئێرانى و "ئەبومەهدى موهەنديس" جێگرى پێشوى سەرۆكى دەستەى حەشدى شەعبى كوژران، دواتر بارودۆخەكە گەشەى سەند و گۆڕدرا بۆ هێرشى ڕاستەوخۆ و ئەمڕۆش ڕوبەڕبونەوەى ڕاستەقينە لەنێوان حكومەت و گروپە چەكداريەكان دەبينين، كە گفتوگۆ ستراتيژيەكانى نێوان بەغدا و واشنتۆنيش وەك خۆراك وابون بۆ ئەو ڕوبەڕوبونەوانە.

 

ئەو شارەزا ياساييە لەو باوەڕەدایە، پرۆسەكەى حكومەت بۆ شكستهێنان بوو بە پرۆسەيەكى تر كە بە تەمابون لەرێگەى 23 موشەكەوە ناوچەى سەوز و چەند سەربازگەيەك بكەنە ئامانج، شانەى كاتيۆشا نيازيان هەبوو لەم ڕۆژانەدا هێرشەكە ئەنجام بدەن بەڵام ڕۆژى هەينى شكستى پێهێنرا.

 

هاشمى رونیدەکاتەوە، ئەوەى ئەمڕۆ حكومەت دەيكات بەرپەرچدانەوەيەكى كاتيى شانەى كاتيۆشايە، قەيس خەزعەلى سەركردەى عەئاسبى ئەهلى حەقيش ئاماژەى بەهەمان شت داو وتى "ڕێگە بە كەس نادەن كە ئەو شانانە بوەستێنن".