گه‌ڕان

Shadow Shadow
سیاسه‌تی

لەکاتی ڕەوانەکردنی بۆ سلێمانی

قەڵادزێ: ئۆتۆمبێلێک بەساڵاچوویەکی تەمەن 72 ساڵی شێلا و گیانیلەدەستدا

2020.06.27 - 19:04
قەڵادزێ: ئۆتۆمبێلێک بەساڵاچوویەکی تەمەن 72 ساڵی شێلا و گیانیلەدەستدا

لە ڕووداوێکی هاتوچۆدا لە شاری قەڵادزێ لە سنوری ئیدارەی ڕاپەڕین ئۆتۆمبێلێک پیاوێکی بەساڵاچووی تەمەن 72 ساڵی شێلا و لەدوای بەڕێکردنی بۆ سلێمانی هاووڵاتییەکە گیانیلەدەستدا.

 

لە ڕاگەیەندراوێکدا بەڕێوەبەرایەتیی پۆلیسی ڕاپەڕین ڕایگەیاند: "پاش نیوەڕۆی ئەمڕۆ شەممە لە قەڵادزێ ئۆتۆمبێلێکی جۆری (هۆندا) خۆی کێشا بە پیاوێکی بەساڵاچووی تەمەن 72 ساڵ کە پیشەی کاسب بوو، لە ئەنجامدا  بەسەختی بریندار بوو".

 

ئاماژەی بەوەشکردووە: "دوای گەیاندنی بۆ نەخۆشخانەی گشتی قەڵادزێ و پاش چارەسەری سەرەتایی بەڕێکرا بۆ سلێمانی و لە ڕێگەشدا لەناو ئۆتۆمبێلی فریاگوزاری گیانیلەدەستدا".

 

لە ڕاگەیەندراوەکەدا ئەوەش هاتووە: " بە بڕیاری دادوەر دەستگیراوە بەسەر ئۆتۆبێلەکە و شۆفێرەکەشی ڕاگیرکرا، بە ماددەی 24 لە یاسایی هاتووچۆ دۆسیەی لێکۆڵینەوە بۆ ڕووداوەکە ڕێکخراوە و لێکۆڵینەوەش بەردەوامە".