نزیکەى سێ بەشی توشبووانی کۆرۆنا لە سلێمانین، 85%ی گیانلەدەستدانەکانیش

ناس کورد-

لە هەڵکشانی شەپۆلی دووەمی کۆرۆنادا لە هەرێمی کوردستان، سلێمانی پشکی شێری بڵاوبوونەوەی ڤایرۆسەکەی بەرکەوتووە، بەوپێیەی، %72ی کۆی توشبووانی هەرێم لەو پارێزگایەن، هەروەها %85ی مردووانیش.

 

ئەگەرچی لەسەرەتای بڵاوبوونەوەی ڤایرۆسی کۆرۆناوە لە هەرێم و لە مانگی ئازاردا  توانرا تا ڕادەیەکی باش مەترسییەکان کەمبکرێنەوە و ژمارەکان لەئاستێکی کەمدا بهێڵدرێنەوە، بەڵام لەکۆتایی مانگی ئازاردا، شەپۆلێکی دیکەی توشبوون هەرێمی گرتەوە و ژمارەکان بەخێرایی زیادیان کرد کە تائێستاش بەردەوامە.

 

تاوەکو ئەمڕۆ شەممە، 27ی حوزەیرانی 2020، ژمارەی توشبووانی ڤایرۆسەکە لە هەرێم گەیشتووەتە پێنج هەزار و 185 کەس و ژمارەی گیانلەدەستدانیش گەیشتووەتە 162 کەس.

 

ئەو پێنج هەزار و 185 توشبووە بەمشێوەیە بەسەر پارێزگاکاندا دابەشبوون:

سلێمانی: %72

هەولێر: %22

دهۆک: %3

هەڵەبجە: %2

 

هاوکات، لەژمارەی گیانلەدەستدانیشدا، سلێمانی هەر لە پلەی یەکەمدا هاتووە، ئەو 162 توشبووەی گیانیانلەدەستداوە بەمشێوەیە دابەشبوون:

 

سلێمانی: %85.1

هەولێر: %13.5

هەڵەبجە: %1.2

دهۆک: %0.0

 

هەروەها تائێستا هەزار و 600 توشبووی ڤایرۆسەکە چاکبوونەتەوە، بەمشێوەیە:

سلێمانی: %47

هەولێر: %41

دهۆک: %8

هەڵەبجە: %2.5