گه‌ڕان

Shadow Shadow
سیاسه‌تی

ئاماژە لەسەر کام پۆستانە دادەنێت؟

بڕیارێکى نوێی فەیسبوک لەبارەى پۆستى هەواڵى و سیاسەتمەدارانەوە

2020.06.27 - 11:11
بڕیارێکى نوێی فەیسبوک لەبارەى پۆستى هەواڵى و سیاسەتمەدارانەوە

ناس کورد-



كۆمپانیای فەیسبوك ڕایگەیاند، دەستدەكات بە دانانی چەند نیشانەیەك لەسەر ئەو پۆستە هەواڵییانەى سیاسەتی كۆمپانیاكەیان پێشێل دەكات، هەروەها دانانی نیشانە لەسەرجەم ئەو پۆست و ڕیكلامانەی كەپەیوەستن بە دەنگدانەوە و لەڕێگەی لینكێكەوە زانیارییە دروستەكان بۆ بەكاربەران ڕەوانە دەكات و ئەو ڕێوشوێنانە پۆستی سیاسیەكانیش دەگرێتەوە.

 

وتەبێژی فەیسبوك ئاماژەی بۆ ئەوەكردووە، سیاسەتێكی نوێى كۆمپانیاكەیان ئەوەیە لینكێك دادەنێت كە زانیاریی تایبەت دەگوازێتەوە، دواى ئەوەى مانگی ڕابردوو لەسەر پۆستێكی دۆناڵد ترەمپ پێشنیاری پشتڕاستكردنەوەی پۆستێكی كرا و ماڵپەڕی تویتەر بەلینكێك داوای لەبەكاربەرانی كرد بەدواداچون بۆ دروستی زانیارییەكانی پۆستەكەی ترەمپ بكەن.

 

مارك زۆكەربێرگ بەڕێوەبەری جێبەجێكاری كۆمپانیاكە دەڵێت، ئەو ڕیكلامانە بلۆك دەكەن كە بانگەشەی پەیوەستبوونی كەسانێك بكەن لەسەر بنەمای ڕەگەزپەرستی و دین یاخود جیاوازی جێندەری، هەروەها ئەو ڕیكلامانەی كە هەڕەشە بۆ سەر ئاسایشی جەستە و تەندروستی مرۆڤ دروستدەكەن.

 

ئەو گۆڕانكاریانەش لەسیاسەتی كۆمپانیاكەدا دوای ئەوە هات، چەند كۆمەڵەیەكی مافپارێزی چەند ویلایەتێكی ئەمریكا فشاریان خستە سەر كۆمپانیاكە بۆ ئەوەی چەند ڕێوشوێنێك بگرنەبەر لەدژی ڕکەبەرایەتی و بڵاو كردنەوەی زانیاری چەواشەکاریی لە هەڵمەتی هەڵبژاردنەكاندا.