گه‌ڕان

Shadow Shadow
سیاسه‌تی

ژمارەیەکی زۆر توشبووی کۆرۆنا لە هەولێر چاکبوونەوە و نەخۆشخانەیان جێهێشت

2020.06.26 - 19:04
ژمارەیەکی زۆر توشبووی کۆرۆنا لە هەولێر چاکبوونەوە و نەخۆشخانەیان جێهێشت

ناس کورد-

بەڕێوەبەرایەتیی تەندروستیی هەولێر چاکبوونەوەی 45 توشبووی دیکەی کۆرۆنای ڕاگەیاند و ئاماژەی بەوەشکرد، کۆت چاکبووان گەیشتنە 677 کەس.

 

لە ڕاگەیەندراوێکدا بەڕێوەبەرایەتیی تەندروستیی هەولێر ڕایگەیاند: " 45 نەخۆشی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەوە و باری تەندروستییان تەواو جێگیربووەتەوە".

 

ئاماژەی بەوەشکردوە، ئەو توشبووانە پشکنینی تایبەتی یەک لەدوای یەکییان بۆ کرایەوە کە نێگەتیڤ بوو و بڕیاردرا بنێردرێنەوە ماڵەوە.

 

تەندروستیی هەولێر ئەوەش خستووەتەڕوو، کۆی گشتی چابووەکان گەیشتە 677 کەس، بەوەش لەئێستادا 403 کەس لە نەخۆشخانە ماونەتەوە.