گه‌ڕان

Shadow Shadow
سیاسه‌تی

سلێمانی؛ خۆپیشاندان و ناڕەزایی دژی هێرشەکانی تورکیا دەستیپێکرد

2020.06.26 - 18:02
سلێمانی؛ خۆپیشاندان و ناڕەزایی دژی هێرشەکانی تورکیا دەستیپێکرد

ناس کورد-

لەشاری سلێمانی خۆپیشاندان و ناڕەزایی دژی بۆردومان و لەشکرکێشییەکانی سوپای تورکیا بۆسەر هەرێمی کوردستان دەستپێکرد و خۆپیشاندەران داوادەکەن لایەنە نێودەوڵەتییەکان لەسەر هێرشەکانی تورکیا بێنەدەنگ.

 

دوای ئەوەی دوێنێ پێنجشەممە، 25ی حوزەیرانی 2020، لە هێرشێکی فڕۆکە جەنگییەکانی تورکیادا لە سەیرانگای کونەماسی لە سلێمانی چەندین قوربانی لێکەوتەوە، ئێوارەی ئەمڕۆ لەسلێمانی هاووڵاتیان گردبوونەوەیەکی نارەزاییان دژی ئەو کارانەی تورکیا ڕێکخست.

 

عەبدولوەهاب ئەحەمد، ئەندامی ئامادەکاری گرتبوونەوەکە بە ناس کوردی ڕاگەیاند: "ئێمە هەمووکات بەرامبەر داگیرکاری و هێرشەکانی وڵاتانی دیکە بۆسەر هەریمی کوردستان هاتووینەتەدەنگ و شەرمەزارمان کردووە".

 

وتیشی: "هێرشەکانی تورکیا بۆسەر هەرێم، هێرشێکی داگیرکارییە و ئەو وڵاتە داگیرکەرە دەیەوێت خەونی فراوانکردنی دەوڵەتەکەی بێنێتەدی، بەڵام هیچکات ناتوانێت ئەو کارە لەسەر حسابی کوردستان بکات و ڕێگەیان پێنادەین".

 

جەختیشیکردەوە: "داوا لە کۆمەڵگەی نێودەوڵەتی دەکەین کە لەسەر ئەو کارانەی تورکیا بێنەدەنگ و بەدەم داواکاری گەلی کوردەوە بێن".