گه‌ڕان

Shadow Shadow
سیاسه‌تی

هۆکار چییە؟

کۆرۆنا جارێکی تر ئەوروپا داگیردەکاتەوە.. تەندروستی جیهانی هۆشداری دەدات

2020.06.26 - 15:15
کۆرۆنا جارێکی تر ئەوروپا داگیردەکاتەوە.. تەندروستی جیهانی هۆشداری دەدات

ناس کورد-

تەندروستى جيهانى ئاشكراي دەكات، دواى ئەوەى كۆت و بەندەكان كە ئامانج لێيان ڕێگەگرتن بوو لە بڵاوبونەوەى ڤايرۆسى كۆرۆنا لە ئەوروپا شل كران، ژمارەى توشبووان ڕووى لە هەڵكشان کردووەتەوە.

 

هانز كلوج، بەڕێوەبەرى هەرێميى ئەوروپى رێكخراوى تەندروستى جيهانى ڕايگەياندوە، هەفتەى ڕابروودا ژمارەى توشبووانى ڤايرۆسى كۆرۆنا ڕووى لەزيادبوون كردوە ئەوەش يەكەمجار لەماوەى چەند مانگێكدا.

 

ڕونيشيكردوەتەوە، لە 30 دەوڵەتى ئەوروپادا و لەماوەى دوو هەفتەى ڕابردوودا زيادبونى توشبووان تۆمار كراون.

 

كەمكردنەوەى كۆت و بەندەكانى داخستن و ڕێوشوێنەكانى تر بووەتە هۆى بەرزبونەوەى خێراى ژمارەى توشبوان لە ئەوروپا، بەهۆى ئەوەشەوە سيستمى تەندروستى ئەوروپاى جارێكى تر گەياندوەتەوە لێوارى داڕمان ئەگەر چارەسەرێكى بۆ نەدۆزرێتەوە.

 

هانز كلوج باسى لەوەشكردوە، تائێستا توانراوە كۆنترۆڵى گروپى بچوكى حاڵەتەكان بكرێت ئەويش لەڕێگەى دەستوەردانى خێرا و ڕووبەڕووبونەوەى.

 

هەريەكە لە وڵاتەكانى پۆڵەندا، ئەڵمانيا، ئيسپانيا و ئيسرائيل وەڵامى خێرايان بۆ بڵاوبونەوەى پەتاكە هەبوو، ئەويش لەڕێگەى جياكردنەوەى توشبووان، كڵوجيش پێى وايە كە ئەو هەواڵێكى زۆر دڵخۆشكەرە و دەستخۆشى لە دەسەڵاتدارانيش دەكات.

 

ژمارەيەك وڵاتى ئەوروپا ئاماژەيان بەوەداوە كە خوڕەوشتى خەڵك گۆڕاون و ئێستا پابەندبن بە دوركەوتنەوەى كۆمەڵايەتى و پۆشينى دەمامك.

ڕێكخراوى تەندروستى جيهانيش تەئكيد دەكاتەوە كە رێوشوێنە جێبەجێكراوەكان هۆكارێكى گەورە بوون بۆ كەمكردنەوەى گواستنەوەى ڤايرۆسەكە لەنێوان مرۆڤەكان، وەك بەدواداچونى رێچكەى توشبووانى نوێ و ئەو كەسانەى پەيوەنديان لەگەڵياندا هەبووە.

 

ڕێكخراوى تەندروستى جيهانى ئەوەى بڵاوكردوەتەوە، دوو مليۆن و 500 هەزار توشبووى كۆرۆنا لە ئەوروپا تۆمار كراون، سەرەڕاى ئەوەى لەچاو ناوچەكانى ترى جيهان تۆماركردنى حاڵەتەكان كەمترن بەڵام تائێستاش ڕۆژانە هەزاران توشبوو و سەدان گيان لەدەستدان لەو كيشوەرە تۆمار دەكرێن.