گه‌ڕان

Shadow Shadow
سیاسه‌تی

مەزڵوم کۆبانی لە گفتوگۆیەکدا لەگەڵ لاهور شێخ جەنگی سوپاسی یەکێتی دەکات

2020.06.25 - 19:40
مەزڵوم کۆبانی لە گفتوگۆیەکدا لەگەڵ لاهور شێخ جەنگی سوپاسی یەکێتی دەکات

ناس کورد- 

مەزڵوم کۆبانی، فەرماندەى گشتیى هێزەكانى سورياى ديموكرات "هەسەدە" دەڵێت، لەگەڵ لاهور شێخ جەنگى هاوسەرۆكى يەكێتیى نيشتمانیى كوردستان لە گفتوگۆيەكى برايانەدا باسى گەشەسەندنەكانى باكور و ڕۆژهەڵاتى سوريا و ديالۆگى كورديیان كرد.

 

کۆبانی لە هەژماری فەرمی خۆى لەتۆڕى كۆمەڵايەتى تويتەر نوسيويەتى: " گفتوگۆيەكى برايانەمان لەگەڵ لاهور شێخ جەنگى، هاوسەرۆكى يەكێتى نيشتمانى كوردستان لەسەر گەشەسەندنەكانى هەرێمى باكور و ڕۆژهەڵاتى سوريا و ديالۆگى كورديمان كرد".

 

ئاماژەی بەوەشکردووە: "ئێمە سوپاسى برايانى يەكێتى بە سەرپەرشتى لاهور تاڵەبانی و باڤێڵ تاڵەبانى دەكەين بۆ پشتيوانيان لە ديالۆگى يەكڕيزى كوردى و شۆڕشى ڕۆژئاوا هەر لە سەرەتاوە".

 

فەرماندەى گشتیى "هەسەدە" ئاشكراى نەكردوە كە لەگەڵ لاهور شێخ جەنگى يەكتريان بينيوە، ياخود لەرێگەى پەيوەندى تەلەفۆنيەوە قسەيان كردوە و هيچ زانياريەكيشى لەسەر كاتى گفتوگۆكە ئاشكرا نەكردوە.