ژمارەیەکی زۆر توشبووی کۆرۆنا لە هەولێر چاکبوونەوە و نەخۆشخانەیان جێهێشت

ناس کورد-

بەڕێوەبەرایەتیی تەندروستیی هەولێر ڕایگەیاند، 51 توشبووی دیکەی کۆرۆنا چاکبوونەتەوە و نەخۆشخانەیان جێهێشتووە.

 

لە ڕاگەیەندراوێکدا بەڕێوەبەرایەتیی تەندروستیی هەولێر ڕایگەیاند: " 51 نەخۆشی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەوە و باری تەندروستییان تەواو جێگیربووەتەوە".

 

ئاماژەی بەوەشکردووە: "ئەو توشبووانە پشکنینی تایبەتی یەک لەدوای یەکییان بۆ کرایەوە کە نێگەتیڤ بوو و بڕیاردرا بنێردرێنەوەماڵەوە.

 

بەڕێوەبەرایەتی تەندروستیی هەولێر ئەوەشی خستووەتەڕوو:  "کۆی گشتی چابووەکان گەیشتە 622 کەس".