گه‌ڕان

Shadow Shadow
سیاسه‌تی

عێراق؛ ژمارەی پێوانەیی لە توشبوون و مردن بە کۆرۆنا تۆمارکرا

2020.06.25 - 17:19
عێراق؛ ژمارەی پێوانەیی لە توشبوون و مردن بە کۆرۆنا تۆمارکرا

ناس کورد-

وەزارەتی تەندروستیی عێراق ئامارێکی نوێی کۆرۆنای بڵاوکردەوە و ڕایگەیاند، لە 24 کاتژمێری ڕابردوودا دوو هەزار و 437 حاڵەتی نوێی کۆرۆنا تۆمارکراون کە زۆرترین ژمارەی ڕۆژانەیە تائێستا، هەروەها 107 کەسی دیکەش گیانیانلەدەستدا.

 

لەڕاگەیەندراوێکدا وەزارەتی تەندروستیی عێراق ڕایگەیاند، لە 24 کاتژمێری ڕابردوودا لە سەرانسەری عێراق 11 هەزار و 370 پشکنینی کۆرۆنا ئەنجامدراون و دوو هەزار و 437 حاڵەتی نوێش تۆمارکراون.

 

ئاماژەی بەوەشکرد، هەر لە 24 کاتژمێری ڕابردوودا هەزار و 237 توشبوو چاکبوونەتەوە و نەخۆشخانەیان جێهێشتووە، 107 توشبووش گیانیانلەدەستداوە.

 

بەگوێرەی راگەیەندراوەکە، کۆی گشتیی توشبووانی کۆرۆنا لەئێستادا لە عێراق گەیشتووەتە زیاتر لە 39 هەزار کەس، هەروەها زیاتر لە 18 هەزار کەس چاکبوونەتەوە و هەزار و 437 توشبووش گیانیانلەدەستداوە.