گه‌ڕان

Shadow Shadow
سیاسه‌تی

ژووری ئۆپەراسیۆنی هەولێر هۆشداری دەدات.. ناچارین ڕێکاری توند بگرینەبەر

2020.06.23 - 20:49
App store icon Play store icon Play store icon
ژووری ئۆپەراسیۆنی هەولێر هۆشداری دەدات.. ناچارین ڕێکاری توند بگرینەبەر

ناس کورد-

ژووری ئۆپەراسیۆنی پارێزگای هەولێر هۆشداری دەداتە هاووڵاتیانی پارێزگاکە لە ئەگەری پابەندنەبوونیان بە ڕێکارەکانی خۆپارێزی ناچارن ڕێکاری توند بگرنەبەر، داواش دەکات هاوڵاتیان پابەندی ڕێنماییەکان بن بۆ ئەوەی ڕووبەڕووی سزا نەبنەوە.

کەناڵی ناس کورد لە تێلیگرام جۆین بکە   

 

لە ڕاگەیەندراوێکدا ژووری ئۆپەراسیۆنی پارێزگای هەولێر ڕایگەیاند: "لە سنوری هەر (10) قایمقامیەتەکەی پارێزگای هەولێر، لەماوەی هەفتەیەک، (577) شوێن لەلایەن لێژنەکانی چاودێری و تەندروستی، بەهۆی پابەند نەبوون بە رێنماییە تەندروستییەکان و ڕێکارەکانی خۆپارێزی لە ڤایرۆسی کۆرۆنا داخران".

 

ئاماژەی بەوەشکردووە: "بەدواداچوون و پشکنین و چاودێریکردنی شوێنەکان بەردەوامە، هاوڵاتیانی سنوری پارێزگای هەولێر و کاسبکاران و هەموو ئەو شوێنانەشی کە بۆ خزمەتی هاوڵاتیان کراوەن ئاگادار دەکەینەوە، لە ئەگەری پابەند نەبوون بە رێکارەکانی خۆپارێزی ناچارین رێکاری توند بگرینەبەر".

 

"داوا لە هەموو لایەک دەکەین لەم دۆخە ناهەموار و مەترسیدارەدا بەو پەڕی هەستکردن بە بەرپرسیاریەتی لە پێناو پاراستنی سەلامەتی و ئاسایشی تەندروستی شارەکەمان و هاوڵاتییانی، پابەندی رێنماییە تەندروستییەکان بن و (دەستکێش و دەمامک) ببەستن، تاوەکو دووچاری سزادان و ڕێکاری یاسایی نەبنەوە" ژوری ئۆپەراسیۆنی پارێزگای هەولێر جەختیکردووەتەوە.