گه‌ڕان

Shadow Shadow
سیاسه‌تی

قەدەقەی هاتوچۆ ڕادەگەیەنرێت

لەبارەی کەرەنتینەکردنی قەزای چەمچەماڵ بۆماوەی 48 کاتژمێر ڕوونکردنەوە دەدرێت

2020.06.23 - 18:44
App store icon Play store icon Play store icon
لەبارەی کەرەنتینەکردنی قەزای چەمچەماڵ بۆماوەی 48 کاتژمێر ڕوونکردنەوە دەدرێت

ناس کورد-

وتەبێژی تەندروستی چەمچەماڵ دەنگۆی کەرەنتینەکردنی قەزاکەی بۆماوەی 48 کاتژمێر ڕەتکردەوە و ڕایگەیاند، تەنها ڕۆژی پێنجشەممە قەدەغەی هاتوچۆ جێبەجێدەکەن و شەقامەکانی شارەکە پاکژ و دەرمانڕێژ دەکەن.

کەناڵی ناس کورد لە تێلیگرام جۆین بکە   

 

شەریف ڕەحیم، وتەبێژی بەڕێوەبەرایەتیی تەندروستی چەمچەماڵ بە ناس کوردی ڕاگەیاند: "بەهۆی ئەوەی لەکاتی شەپۆلی یەکەمی کۆرۆنادا لە چەمچەماڵ سودمان لە دەرمانڕێژکردنی بازاڕ و شەقامەکانی شارەکە بینی، بۆیە بڕیارماندا دووبارە ئەو کارە بکەینەوە".

 

وتیشی: "بڕیارمانداوە ڕۆژی پێنجشەممەی داهاتوو ناحیەی تەکێ و شۆڕش و قەزای چەمچەماڵ پاکژ و دەرمانڕێژ بکەین، هەربۆیە قەدەغەی هاتوچۆ دەبێت لەقەزاکە و هاووڵاتیان ناتوانن هاتوچۆ بکەن و دوکان و بازاڕ بکەنەوە".

 

ڕونیشیکردەوە، لەسەرەتای بڵاوبوونەوەی ڤایرۆسەکەوە تائێستا 76 حاڵەتی ڤایرۆسەکە لە قەزای چەمچەماڵ تۆمارکراون، لەو ژمارەیەش نۆ کەسیان گیانیانلەدەستداوە،  34 توشبووش چاکبوونەتەوە، لەئێستاشدا 31 توشبوو لە نەخۆشخانە ماونەتەوە.

 

ئەمە لەکاتێکدایە، لە بەشێک لە هەژمارە نافەرمییەکان ئەوە بڵاوکرایەوە کە "بەهۆی مەترسیداری دۆخی تەندروستیی قەزای چەمچەماڵ بۆ ماوەی 48 کاتژمێر قەزاکە کەرەنتینە دەکرێت".