گه‌ڕان

Shadow Shadow
سیاسه‌تی

ناس کورد وردەکارى شەڕەکە بڵاودەکاتەوە

سیدەکان؛ شەڕی دوو بنەماڵە پێنج کوژراو بریندارێکی لێکەوتەوە

2020.06.23 - 11:47
App store icon Play store icon Play store icon
سیدەکان؛ شەڕی دوو بنەماڵە پێنج کوژراو بریندارێکی لێکەوتەوە

ناس کورد- ئاکۆ حەمەد رابی

پێشنیوەڕۆی ئەمڕۆ سێشەممە 23ی حوزەیران بەهۆی شەڕی دوو بنەماڵە لە گوندێکی ناحیەی سیدەکان پێنج کەس کوژران و یەکێکیش بریندار بووە، یه کێک لە کوژراوەکانیش هاوڵاتییەکی ڕۆژئاواى کوردستانە.

 

کەناڵی ناس کورد لە تێلیگرام جۆین بکە   

د. ڕزگار عزەت خان، بەڕێوەبەری نەخۆشخانەی ئاشتی لە سۆران بە ناس کوردی ڕاگەیاند :" تەرمی دوو کەس بە کوژراوی گەیەنرایە نەخۆشخانەکەمان، سێ لە بریندارەکانیش لە نێو هۆڵی نەشتەرگەری گیانیان لەدەستدا".

 

ئاماژەی بەوەشدا ، یەکێکی دیکەش کە هەر لەڕووداوەکە بریندار بووە بەهۆی سەختی برینەکەی ڕەوانەی هەولێر کرا.

 

بە پێی زانیاریەکانی ناس‌ کورد شەڕەکەی گوندی کەژەکی ناحیەی سیدەکانی قەزای سۆران لەسەر زەوی و زار‌ بووە.

 

موقەدەم شەماڵ دێوالی وتەبێژی پۆلیسی سۆران بە ناس کوردی ڕاگەیاند:" پێنج تۆمەتبار لەسەر ڕووداوەکە لە هەردوو لا دەسگیرکراون".

 

سەرچاوەیەکی ئاگاداریش لەبارەی شەڕه کە وتی:"لە نێو کوژراوەکان هاووڵاتییەکی ڕۆژئاوای کوردستانیش هەیە کە لە گوندەکەدا سەرقاڵی لێدانی بیر بوەو ئەویش بەرکەوتوە".

 

وتیشی:"سەرجەم ئەو کەسانەی کوژراو و بریندار‌بوون هی یەک خانەوادەن ".

 

ناس کورد ناوى ئەو هاوڵاتییانە بڵاودەکاتەوە کە لەشەڕەکەدا گیانیان لەدەستداوە ئەوانیش" قاید سەبری، ئەحمەد باپیر ، ساڵح باپیر ، حاجی ئەنوەر".