موشەکێک لەدەوروبەرى فڕۆکەخانەى بەغدا کەوتە خوارەوە

ناس کورد-

 

موشەکێکى جۆرى کاتیۆشا ئێوارەى ئەمڕۆ دووشەممە لەدەوروبەرى فڕۆکەخانەى نێودەوڵەتى بەغدا کەوتە خوارەوە و هیچ زیانێکى لێنەکەوتەوە.

 

 

شانەى میدیاى ئەمنى عێراق لەبەیاننامەیەکدا ڕایگەیاند "موشەکەکە لە گوندى دهنەى باکورى قەزاى ئەبو غرێب لە خۆرئاواى بەغدا هەڵدراوە و لەدەوروبەرى فڕۆکەخانەى نێودەوڵەتى بەغدا کەوتووەتە خوارەوە".

 

 

ئاماژەى بەوەشکردووە، کەوتنەوەى موشەکەکە هیچ زیانێکى لێنەکەوتووەو هێزە ئەمنییەکان لەو ناوچەیە توانیویانە سەکۆى هەڵدانى موشەکەکە بدۆزنەوە.