گه‌ڕان

Shadow Shadow
سیاسه‌تی

موشەكی نهێنى نینجا چییە؟ 

چەكێكی نهێنی ئەمریكا كە ئامانجە وردەكانی بێ هیچ زیانێك دەپێكێت

2020.06.21 - 21:52
چەكێكی نهێنی ئەمریكا كە ئامانجە وردەكانی بێ هیچ زیانێك دەپێكێت

ناس کورد- 

بەپێی ڕاپۆرتی ڕۆژنامەیەكی ئیسرائیلی، موشەكێكی نهێنی ئەمریكى بەناوی نینجا بەمدواییانە لەدژی دوو چەكداری داعش بەكارهێنراوە کە بەسوار ماتۆڕسکیلێکەوە بوون و بەوردی ئامانجەكەی خۆی پێكاوە و هیچ زیانێكیشی بەدەوروبەر نەگەیاندووە.

 

ڕۆژنامەی جۆرزەلیم پۆستی ئیسرائیلی لەبارەى ئەو دوو چەکدارەى داعشەوە ئاماژەى بەوە کردووە یەکێکیان  والییەكی داعش لەشاری ڕەقەی سوریا بووە بەناوی فایز عەكال و ئەوى تریان برایەکى بووە بەناوی ئەبو سەعدی شیمالی کە ناسنامەی ساختەیان پێ بووە. 

 

ڕۆژنامەکە رونیکردەوە، پرۆسەكە زۆر وردبووە و كەسی تری لەناوچەی هێرشەكە بریندار نەكردووە و ئەو موشەكەی كە لەجۆری  (R9x)ە، یەكێكە لەچەكە ئەمریكیە نهێنیەكان و كۆپیەكی پێشكەوتووە لەموشەكی ڤێڵیڤایەر و فڕۆكەی درۆنیش دەتوانێت هەڵیبگرێت.

ساڵی ڕابردو چەند گرتەیەكی ڤیدیۆیی و ڕاپۆرتێك بڵاوكرایەوە كە هەڵگری سیمبۆڵی (R9x) لەسەر بوو و پێكهاتبوو لە 3 كۆپی جیاواز كە دەتوانێت بەبێ دەنگ ئامانجەكانی خۆی بەوردی بپێكێت و پیێدەوترێت چەكی (نینجا).

 

گەرچی تا ئێستا ئەمریكا هیچ ڕونكردنەوەیەكی بەفەرمی لەسەر هێرشكردن بەو جۆرە چەكە ڕانەگەیاندووە بەڵام گرتە ڤیدیۆی جیاجیای لەبارەوە بڵاوكراوەتەوە كە ئامانجەكانی پێكاوە لەسوریا.

بەگوێرەى ڕاپۆرتێكی پێشووی هەمان ڕۆژنامە ئەو چەكەى ئەمریكا لەعێراقیش بۆ دیاریكردنی چەند ئامانجێك بەكارهێنراوە.

 

هەروەها ڕۆژنامەكە ئاماژەی بۆ ئەوەش كردووە واشنتۆن ئەو چەكەی لەلیبیا و یەمەن و سۆماڵیش بەكارهێناوە بەڵام بەفەرمی ئەوانە لەلایەن ئەمریكاوە ڕانەگەیەنراوە و یەكێكی تر لەتایبەتمەندییەكانی ئەو چەكە ڕێگری لەزیانگەیاندن بەهاوڵاتیانی سیڤیڵ دەكات لەكاتی پێكانیی ئامانجەكانیدا.