گه‌ڕان

Shadow Shadow
سیاسه‌تی

هەزاران وێنەی کچانی لابووە

گەنجێکی عێراقى دەيان كچ هاك دەكات و لە بەرانبەر وێنەکانیاندا داواى پارە و سێکس دەكات

2020.06.21 - 09:53
App store icon Play store icon Play store icon
گەنجێکی عێراقى دەيان كچ هاك دەكات و لە بەرانبەر وێنەکانیاندا داواى پارە و سێکس دەكات

ناس کورد-

هاكەرێكى عێراقى دواى ئەوەى كچێك بە گيردەهێنێت و داواى پارە و سێكسى لێ دەكات، لەلايەن هێزە ئەمنيەكانەوە دەستيگركراو، بەڵام ئەو هەزاران وێنەى دەيان كچى دیکەی پێ گيراوە.

کەناڵی ناس کورد لە تێلیگرام جۆین بکە   

 

بەڕێوەبەرايەتى پۆليسى ديوانيە لە ڕاگەیەندراوێکدا ئاشكرايكردوە، مەفرەزەيەكى پۆليس بە هاوكارى لەگەڵ بەشى زانيارى و تەكنەلۆژيا توانيويانە هاكەرێك دەستگير بكەن، ئەوەش دواى ئەوەى هەژماری فەيسبوكى كچێكى هاككردوە لە پارێزگاى ناسريە، هەروەها هەژماری تەلەگرامەكەيشى هاككردوە و وێنەى تايبەتى خۆى و خێزانى بردوە و داواى پارە و سێكسى لێ كردوە، تا وێنەكانى بسڕێتەوە.

 

ئاماژە بەوەشکراوە، تيمەكە بۆسەيەكيان بۆ هاكەرەكە داناوە و لەرێگەى كچەكەوە بانگ کراوە و دواتر دەستگير كراوە، لەكاتى دەستگيركردنيشيدا مۆبايلێكى پێبووە كە لينكى هاككردنەكانى تێدابووە و دەركەوتوە نزيكەى 100 هەژماری كچان و كوڕانى هاككردوە و وێنەكانى لە مۆبايلەكەيدا هەڵگرتوە، هەروەها چەندين ئەكاونت و پەيجى هاككراويشى فرۆشتوە.

 

بەڕێوەبەرايەتى پۆليسى ديوانيە ڕونیشیکردووەتەوە، وێنەى تايبەتى زياتر لە 50 كچى دزيوە كە زياتر لە 1000 وێنە بوون و بەكارى هێناون بۆ مەرامەكانى و هەڕەشەكردن لێيان.

 

جەختیشیکردووەتەوە کە تۆمەتبارەكە دانيناوە بەكارەكەيدا و لەلايەن دادوەرى لێكۆڵينەوە ڕاگيراوە و ڕادەستى دادگاى تاوانەكان دەكرێت.