گه‌ڕان

Shadow Shadow
سیاسه‌تی

خەڵکی یەک شارن

ناسنامەى ئەو کەسەی لە هۆڵەندا هێرشی کردە سەر خوشکەزاکەى قاسملۆ (وێنە)

2020.06.20 - 15:51
App store icon Play store icon Play store icon
ناسنامەى ئەو کەسەی لە هۆڵەندا هێرشی کردە سەر خوشکەزاکەى قاسملۆ (وێنە)

ناس کورد-

دوێنێ هەینی، ئەندامێکی پێشووی ڕێبەری حزبی دیموکراتی کوردستانی ئێران (حدکا) کە خوشکەزای عەبدولڕەحمان قاسملۆیە لە وڵاتی هۆڵەندا درایە بەر چەقۆ، بەرپرسێکی حزبەکەش دەڵێت، بکەری ڕووداوەکە گیراوە.  

کەناڵی ناس کورد لە تێلیگرام جۆین بکە   

کاوە بەهرامی، بەرپرسی دەزگای فەرماندەی (حدکا) بە ناس کوردی ڕاگەیاند، "دوێنێ هەینی لە وڵاتی هۆڵەندا کەسێک داوای دیداری لە سادق زەرزاری کردوە، لە شوێنی یەکتر بینینەکە ئەو کەسەی داوای دیدارەکەی کردوە سادق زەرزاری داوەتە بەر چەقۆ و بە سەختی برینداری کردووە".  

 

ئاماژەی بەوەشدا، دوای ڕووداوەکە سادق زەرزاری گواستراوەتەوە بۆ نەخۆشخانەو نەشتەرگەری بۆ کراوەو هێڕشبەرەکە ئازاری زۆری پێگەیاندوەو چەند چەقۆیەکی بەر سنگو سکی کەوتوە.  

 

بەپێی ڕاپۆرتی بەشی فارسی ئەلعەرەبییە، ئەو کەسەی هێرشی کردووەتە سەر سادق زەرزاری ناوی "ڕەحمان پردئابادییە" و خەڵکی گوندی "گورگاویم" لە نزیک شاری شنۆیە، زەرزاریش خۆی خەڵکی شنۆیە.

 

بەپێی ڕاپۆرتەکە کە لە سەرچاوەیەکی خێزانی زەرزاری وەریگرتووە، "باوکی هێرشکارەکە لە ئێرانەوە پەیوەندی بە زەرزارەوە کردووە و پێی وتووە کە کوڕەکەى پێویستی بە ئامۆژگاری ئەو هەیە، دوای ئەوەى کاتی یەکتربینین دادەنێت و دەچێتە شوێنەکە بۆ بینینی کوڕەکە، هەر لەگەڵ گەیشتنی و دابەزینی لە ئۆتۆمبێلەکە کوڕەکە دایداتە بەر چەقۆ."

 

خێزانی زەرزاری دەڵێن ئەو کارە "تەواو سیاسییە و لەلایەن ڕژێمی ئێرانییەوە پلانی بۆ دانراوە،" و دەشڵێن، "چەندین جاری تر هەوڵی تیرۆرکردنی دراوە."


me_ga.php?id=329me_ga.php?id=330me_ga.php?id=328me_ga.php?id=332me_ga.php?id=333me_ga.php?id=331