گه‌ڕان

Shadow Shadow
سیاسه‌تی

زانیاری و وردەکاری

خوشکەزایەکی قاسملۆ لە هۆڵەندا درایە بەر چەقۆ

2020.06.20 - 15:03
App store icon Play store icon Play store icon
خوشکەزایەکی قاسملۆ لە هۆڵەندا درایە بەر چەقۆ

ناس کورد- ئاکۆ حەمەد رابی

ئەندامێکی پێشووی ڕێبەری حزبی دیموکراتی کوردستانی ئێران (حدکا) کە خوشکەزای عەبدولڕەحمان قاسملۆیە لە وڵاتی هۆڵەندا درایە بەر چەقۆ، بەرپرسێکی حزبەکەش دەڵێت، بکەری ڕووداوەکە گیراوە.

کەناڵی ناس کورد لە تێلیگرام جۆین بکە   

 

کاوە بەهرامی، بەرپرسی دەزگای فەرماندەی (حدکا) بە ناس کوردی ڕاگەیاند، "دوێنێ هەینی لە وڵاتی هۆڵەندا کەسێک داوای دیداری لە سادق زەرزاری کردوە، لە شوێنی یەکتر بینینەکە ئەو کەسەی داوای دیدارەکەی کردوە سادق زەرزاری داوەتە بەر چەقۆ و بە سەختی برینداری کردووە".



ئاماژەی بەوەشدا، دوای ڕووداوەکە سادق زەرزاری گواستراوەتەوە بۆ نەخۆشخانەو نەشتەرگەری بۆ کراوەو هێڕشبەرەکە ئازاری زۆری پێگەیاندوەو چەند چەقۆیەکی بەر سنگو سکی کەوتوە.




بەهرامی باسی لەوەشکرد کە، ئەوان جارێ هیچ شتێکی فەرمی وەک حزب لەبارەی ڕووداوه کەو بکەری تاوانەکە ناڵێن و تا دوای تەواو بوونی لێکۆڵینەوەکانی پۆلیسی ئەو وڵاتە.



وتیشی، بکەری ڕووداوەکە لەلایەن پۆلیسەوە دەسگیر کراوە.



سادق زەرزاری خوشکە زای د.عەبدولرحمانی قاسملۆ رێبەرى ئەو حزبەیە کە ساڵى 1989 لە ڤیەننا تیرۆرکرا.  هاوکات زەرزاری ئەندامی پێشووى دەستەی ڕێبەری حدکا بووەو وەک ئەندام و کادیریکی حزب بەردەوام بووە لە خەباتی سیاسی و مەدەنی لە ئەوروپا.

 

زانیاریەکان باس لەوەدەکەن کە تۆمەتباری ڕووداوەکە خوێندکاری کۆلیژی پزیشکیە لەو وڵاتە و خەڵکی شاری شنۆی ڕۆژهەڵاتی کوردستانە.