گه‌ڕان

Shadow Shadow
سیاسه‌تی

هاتوچۆی هەولێر: ئەو تاکسییە لەکەسێکی داوە و بەوشێوەی لێهاتووە.. دەستبەجێ گیانیلەدەستداوە

2020.06.19 - 13:18
App store icon Play store icon Play store icon
هاتوچۆی هەولێر: ئەو تاکسییە لەکەسێکی داوە و بەوشێوەی لێهاتووە.. دەستبەجێ گیانیلەدەستداوە

ناس کورد-

لەڕووداوێکی شێلاندا لە شاری هەولێر هاووڵاتییەک گیانیلەدەستدا و وتەبێژی هاتوچۆی هەولێریش وێنەی ڕووداوەکەی بڵاوکردووەتەوە و سەری سوڕماوە کە ئۆتۆمبێلەکە زیانێکی زۆری پێگەیشتووە و ڕووداوەکە بە کارەساتی هاتوچۆ ناودەبات.

کەناڵی ناس کورد لە تێلیگرام جۆین بکە   

 

فازڵ حاجی، وتەبێژی بەڕێوەبەرایەتیی گشتیی هاتوچۆی هەولێر لە هەژماری خۆی لە تۆڕی کۆمەڵایەتی چەند وێنەیەکی ئۆتۆمبێلێکی بڵاوکردووەتەوە و نوسیویەتی: '"هەرکەسێک سەیری وێنەکانی ئەو تاکسیە بکات لەسەرەتادا وابیر دەکاتەوە کەتوشی پێکدادان بوبێت لەگەل ئوتومبیلێکی تر، یان خۆی کێشابێت بەستونێکی کارەبا و لەوانەیە بەزەییشی بەخاوەنەکەی بێتەوە، بەلام بەداخەوە راستیەکە بەوشێوەیە نییە".

 

ئاماژەی بەوەشکردووە: "ئەو هەمو شکان و قوپاویەی بە ئۆتۆمبێلەکەوەیە لەبەر خۆکێشانیەتی بەپیادەیەک وشێلانیەتی و کوشتنیەتی هەر لەشوێنی روداوەکە  کە شەوی ڕابردوو لەسەر رێگای هەولێر -  کەسنەزان ڕوویداوە".

 

وتەبێژی هاتوچۆی هەولێر ئەوەشی خستووەتەڕوو: "لانیکەم ئەو ئۆتۆمبێلە بەخێرایی سەروو 100 کم لە کاتژمێرێکدا ڕۆشتووە، بۆیە بەوشێوەی لێهاتووە".

 

ڕونیشیکردووەتەوە: "ئەو قوربانیەی شەوی رابردوو سێیەم قوربانی تاکسیەکانە لەماوەی هەفتەیەک، بۆیە ئێمە داوا لەهەموو لایەک دەکەین کەسنورێک بۆژمارەو جۆری تاکسیەکان و تەنانەت تەمەنی شوفێرەکانیشیان دابنرێت".

 

فازڵ حاجی جەختیکردووەتەوە، لەئێستادا 37 هەزار تاکسی هەن کە لەناو سەنتەری شاری هەولێر کاردەکەن و پێویستە ژمارەیان ئەوەندە کەم بکرێتەوە کەلە 10 هەزار تێپەر نەکات.