گه‌ڕان

Shadow Shadow
سیاسه‌تی

هەولێر؛ لەسەر یاری کۆنکان سێ کەس کوژران

2020.06.19 - 10:38
App store icon Play store icon Play store icon
هەولێر؛ لەسەر یاری کۆنکان سێ کەس کوژران

ناس کورد-

شەوی ڕابردوو لەسەر شەقامی 30 مەتریی شاری هەولێر، سێ کەس کوژران و پۆلیسیش دەڵێت، ڕووداوەکە بەهۆی دەمەقاڵێ لەسەر یاری کۆنکان روویداوە.

کەناڵی ناس کورد لە تێلیگرام جۆین بکە   

 

هۆگر عەزیز، وتەبێژی پۆلیسی هەولێر بە ناس کوردی راگەیاند، شەوی رابردوو لە ماڵێکدا لە شەقامی 30 مەتریی شاری هەولێر، دوای ئەوەی شەڕ لەنێوان چەند کەسێک دروستبووە، لە ئەنجامدا سێ کەس کوژراون و کەسێکیش برینداربووە.

 

وتیشی: " هەرچەندە تائێستا هۆکاری ڕووداوەکە روون نییە، بەڵام بەوتەی شایەتحاڵەکان لەسەر یاری کۆنکان بووەتە شەڕ و دەمەقاڵێیان".

 

لەبارەی دەستگیرکردنی تۆمەتبارانی ڕووداوەکە، وتەبیژی پۆلیسی هەولێر ئامادەنەبوو هیچ زانیارییەک ئاشکرابکات و ئاماژەی بەوەکرد: "دواتر رونکردنەوەی زیاتر لەسەر ڕووداوەکە بڵاودەکەینەوە".

 

ئەمە لەکاتێکدایە، دوو ڕۆژ بەر لەئێستا و ڕۆژی چوارشەممەی ڕابردووش، هەر لەشاری هەولێر، ژنێک هاوسەرەکەی خۆی بە چەقۆ کوشت.