بەشێک لە کارمەندانی هاتووچۆ بایکۆتیان ڕاگەیاند و ترافیکەکانیان جێهشێت (وێنە و ڤیدیۆ)

ناس کورد-

دژی دواکەوتن و نەدانی موچەکانیان بەشێک لە کارمەندانی هاتوچۆی ناوشاری سلێمانی مانگرتنیان ڕاگەیاند و ترافیکەکانیان جێهێشت، دەشڵێن، تاوەکو دەست بە دابەشکردنی موچە نەکرێت ناگەڕێنەوە سەر کارەکانیان.

 

پەیامنێری ناس کورد لەناو گردبوونەوەکە ڕایگەیاند: "بەشێک لەو کارمەندانەى هاتوچۆ فولکە و ترافیکەکانیان جێهێشتووە".

 

وتیشی، کارمەندانی هاتوچۆ دەڵێن "تاوەکو حکومەت دەست بە دابەشکردنی موچە نەکات، ناگەڕێنەوە بۆ دەوام کردن و لە بایکۆت بەردەوامدەبن".

بایکۆتکردنی دەوام لەلایەن بەشێک لە کارمەندانی هاتوچۆوە لەشاری سلێمانی لەکاتێکدایە، دوێنێ دووشەممەش، سەرجەم سەندیکاکانی تەندروستیی بایکۆتی دەوامیان ڕاگەیاند و جگە لەو نەخۆشخانانەی تایبەتن بە کۆرۆنا، سەرجەم نەخۆشخانەکانی دیکە داخران.