گه‌ڕان

Shadow Shadow
سیاسه‌تی

تەماشای نەخشە

ڕێژەى مردن بە کۆرۆنا لە هەرێم بۆ 2% بەرزبووەتەوە (تایبەت)

2020.06.15 - 19:03
ڕێژەى مردن بە کۆرۆنا لە هەرێم بۆ 2% بەرزبووەتەوە (تایبەت)

ناس کورد-

لەماوەى 15 ڕۆژى ڕابردوودا هەزار و 562 توشبووى نوێی کۆرۆنا بە هەرێم تۆمارکراون، هەروەها 40 کەسیش گیانیان لەدەستداوە کە زۆرترینیان لە سنورى پارێزگاى سلێمانییە.

 

بەپێی زانیاری فەرمی هەرێم لەبارەى ڤایرۆسى کۆرۆنا، لە یەکى ئەم مانگەوە تا ئێستا ژمارەى توشبووان لە 745 کەسەوە بازی داوە بۆ دوو هەزار و 307 توشبوو، هەروەها ژمارەى ئەوانەى گیانیان لەدەستداوە لە حەوت کەسەوە بۆ 47 کەس بەرزبووەتەوە.

 

بەرزبوونەوەى ئامارەکە لەو ماوەیەدا بەشێوەى ئاسۆیی بووە و بەردەوام ئامارەکە لە هەڵکشاندایە تا ئێستا، ئەوەش دواى ئەوەى شەپۆلى نوێی بڵاوبوونەوەى ڤایرۆسەکە بەشێوەیەکى بەرفراوان لە هەرێم بڵاوبووەوە.

me_ga.php?id=276

ئامارەکە دەریدەخات کە بەرزترین ئاستى بەرزبوونەوەى توشبووان لە سنورى پارێزگاى سلێمانییە، بەو پێیەى لەماوەى ئەم 15 ڕۆژەدا ژمارەى توشبووان لە 402 حاڵەتەوە بۆ هەزار و 500 حاڵەت بەرزبووەتەوە. پاشان هەولێر دێت کە لەو ماوەیەدا ژمارەى توشبووان لە 282 حاڵەتەوە بۆ 656 حاڵەت بەرزبووەتەوە.

me_ga.php?id=277

 

زۆرترین ژمارەى توشبووان لە تەمەنى 30-39 ساڵیدان، پاشان تەمەنى 20-29، پاشان 0-19، کەمترینشیان لەتەمەنى حەفتا ساڵ بەرەو سەرەوەن.

me_ga.php?id=278

 

لەکۆى ژمارەى توشبووان لە ئێستادا، 1200 کەسیان کە دەکاتە 54%ى لەژێر چارەسەردان، هەزار کەسیان کە دەکاتە 44% چاکبوونەتەوە، 47 کەس کە دەکاتە 2%ى توشبووان گیانیان لەدەستداوە.

me_ga.php?id=280

 

هەروەها لەسەر ئاستى رەگەز توشبووان بەم جۆرە دابەشبوون: 59% نێر، 41% مێ.

me_ga.php?id=281