گه‌ڕان

Shadow Shadow
سیاسه‌تی

ئيمامى عەلى ڕۆڵى شەشەمە و سمڵێيان بە ميراتى ئەو دەزانن

كاكەييەكان كێن و چى دەپەرستن؟ نوێژ و ڕۆژويان چۆنە و ئيمامى محەمەدى مەهدى لاى ئەوان چييە؟

2020.06.15 - 15:35
App store icon Play store icon Play store icon
كاكەييەكان كێن و چى دەپەرستن؟ نوێژ و ڕۆژويان چۆنە و ئيمامى محەمەدى مەهدى لاى ئەوان چييە؟

ناس کورد- 

تەنانەت لە لاوازترين بارودۆخيشيدا رێكخراوى داعش ئەوەى لەبير ناچێت كە ئەوە بەبير كەمە نەتەوە و ئايينەكان بهێنێتەوە كە ئەو بۆ هێڕشكردنە سەريان بونى هەيە، بەتايبەتى ئەوانەى كە لەنزيك ئەو ناوچانە دەژين كە چەكدارانى رێكخراوەكە بونيان هەيە ئەويش لەنێوان سێ پارێزگا كە ديالە، سەڵاحەدين و كەركوكن.

 

کەناڵی ناس کورد لە تێلیگرام جۆین بکە   

شەوى (شەممە) چەكدارانى داعش هێرشيان كردە سەر دێى "دارا" كە كاكەييەكانى تێدا دەژين و سەربە قەزاى خانەقينە لە پارێزگاى سەڵاحەدين كە دەكەوێت ڕۆژهەڵاتى عێراقەوە، لەهێرشەكەدا سێ كەس كوژران و چوارى تر بريندار بون، پێش ئەوەش ئەو چەكدارانە چەندين جار هێرشيان كردوەتە سەر کاکەییەکان و مەزارگەكانیان. 

 

لەدواى هێرشەكەى ئەم دواييە، كاكەييەكان داوايان لە بەرهەم ساڵح سەرۆككۆمارى عێراق كرد كە بيانپارێزێت، سەرۆككۆماريش بەشێوەيەكى كاريگەر وەڵامى دانەوە، بەڵام بەپێى زانياريەكان تائێستا هيچ گۆڕانكاريەك لەسەر ئەرزى واقيع ڕوينەداوە دواى هێرشەكان.

پێش ڕێكخراوى داعشيش كاكەييەكان ڕوبەڕوى چەندين تەحەداى گەورە بونەتەوە، دەوڵەت وەك کەمینەیەکى ئايينى سەربەخۆ دانيان پێدا نانێت، هەروەها ڕێگريان لێ دەكرێت بۆنە ئايينيەكانيان بە ئازادى ئەنجام بدەن.



كاكەييەكان كێن؟

كاكەييەكان دەڵێن ئايينەكەيان دەگەڕێتەوە بۆ 5000 ساڵ پێش ئێستا ئەوەش بەپێى سەرچاوە مێژوييەكان، رەگى ئەم ئايينە دەگەڕێتەوە سەر ئايينى يەزدانيەكان ياخود مسرائيەكان كە لەناو گەلانى "هندۆ - ئەوروپيەكان" دەركەوت، لەڕێگەى ئەوانەوە گواسترايەوە ئاسيا و لەوێشەوە بۆ كوردستان، بەڵام يەكەم ڕەگى فەرمى دەگەڕێتەوە بۆ سەدەى چواردەيەمى ميلادى ئەويش لەڕێگەى سوڵتان ئيسحاق دامەزرێنەرى ئايينەكە.

 

كاكەييەكان لەنێوان عێراق و ئێراندا دابەش بوون و ژمارەيان لە هەرێمى كودستاندا نزيكەى 250 هەزار كەس دەبێت، هەروەها سێ مليۆن كاكەیى لە ناوچە كورديەكانى خۆرئاواى ئێراندا هەيە.

 

وەك ديارە وشەى "كاكە" لە زمانى كورديدا واتاى "براى بەڕێز" دەگەيەنێت هەروەها دەتوانرێت ناوبنرێت ئايينى برايەتى، شوێنكەوتوانى ئەم ئاينە ناوى تريشيان بۆ ئاينەكەيان هەيە وەك "يارسانى" ياخود "ئەهلى حەق".

 

ژن لە ئاينى يارسانيەكاندا پێگەيەكى تايبەتى هەيە، مافى گەورەى هەيە بە بەراورد لەگەڵ كۆمەڵگەكانى دەوروبەردا.



نوێژى ميوزيكى

نوێژەكانى يارسانيەكان وێردى تايبەتە لەگەڵ ئامێرى ميوزيكيدا و ژنان بەشدارن لە ئەنجامدانى ئەم نوێژانە، ڕێوڕەسمى ئاينى يارسانى بريتيە لە ژەنينى عودى پيرۆز و وتنەوەى وشەكانى كتێبە پيرۆزەكەيان كە بە "وتەكانى سرانگام" ناسراوە.

پەيڕەوكەرانى "ئەهلى حەق" پێيان وايە، خواوەندى حەق خۆى لە زنجيرەيەك دياردەدا پيشان دەدات كە پێى دەوترێت ڕۆڵەكان و بە ژمارە 7 تەواو دەبێت، شێوەى چوارەم كە خۆى تێدا پيشان دەدات ڕۆڵى "سوڵتان ئيسحاق بەرزنج"ييە (دامەزرێنەرى ئايينەكە لە سەدەى چواردەيەمدا) كە يارسانەكان وتەكانى ناوبراويان لە كتێبكى "وتەكانى سرانگام" كۆكردوەتەوە، پێنجەميش مەسيحە و شەشەميش ئيمام عەلييە (عەلى كوڕى ئەبو تاڵب)، پێشيان وايە ئيمام مەهدى دێت و ڕۆڵى حەوتەم تەواو دەكات.

 

يارسانەكان بڕوايان بە كۆپيكردنەوەى ڕۆح هەيە و هەروەك بڕواشيان بە سزاى ناو گۆڕ هەيە، نەفرەت لە هيچ بونەوەرێكيش ناكەن لەناويشياندا شەيتان.


سمێڵيان ميراتى ئيمام عەلييە

كاكەييەكان "يارسانەكان" سمێليان درێژ دەكەنەوە و بڕينى ياخود كوردتكردنەوەيان حەرام كردوە، پێشيان وايە لە ئيمامى عەلييەوە بۆيان بە ميراتى ماوەتەوە، پێشيان وايە خودا بەشێوەى ڕاستەوخۆ كاروبارى بەندەكانى نابات بەڕێوە، بەڵكو لەڕێگەى ڕۆڵەكانەوە كە تا ئێستا 6 يان دەركەوتون.

 

يارسانييەكان لە مانگى "ئابان"دا سێ ڕۆژ بە ڕۆژوو دەبن، بەپێى ڕۆژمێرى فارسى هەموو ساڵێك لە مانگى ئۆكتۆبەر دەست پێدەكات و لە نۆڤەمبەر تەواو دەبێت.

 

يارسانييەكان بەدەست جياوازى ئايينيەوە لە عێراق و ئێرانيشدا دەناڵێنن، وەك ئايينێكى تايبەتى مامەڵەيان لەگەڵ ناكرێت بەتايبەتى لە عێڕاق، هەروەها لە ناسنامەى بارى شارستانيش ئايينەكەيان بە "يارسانى" نانوسرێت، ڕێگەشيان پێ نادرێت كە پەرستگا دروست بكەن، هەروەها ڕێگەيان نادرێت بەپێى ئايينى خۆيان مردوەكانيان بنێژن.

 

سەرەڕاى ئەمانەش، ڕێگە بە يارسانييەكان نادرێت كتێبى پيرۆزى خۆيان چاپ بكەن بەبێ بونى ترس لەوەى كە ڕوبەڕوى تۆمەتى سەرپێچى بنەماكان ببنەوە كە دەوڵەت سەپاندويەتى ياخود بەبێ ئەوەى ڕوبەڕوى تۆمەتى سوكايەتيكردن بە پێغەمبەرى ئيسلام "محەمەد" درودى خواى لەسەر بێت ببنەوە، هەروەها لە كۆمارى ئيسلامى ئێران لەكاتى چونە ڕيزى سوپاوە ناچار دەكرێن سمێڵيان بتاشن.