گه‌ڕان

Shadow Shadow
سیاسه‌تی

دژی بۆردومانەکانی تورکیا بۆسەر چەند ناوچەیەکی هەرێم

ئاڵدار خەلیل: پێویستە هێزە کوردییەکان دەستوبرد هەڵویستێکی ڕوون بەرامبەر تورکیا نیشان بدەن

2020.06.15 - 11:22
App store icon Play store icon Play store icon
ئاڵدار خەلیل: پێویستە هێزە کوردییەکان دەستوبرد هەڵویستێکی ڕوون بەرامبەر تورکیا نیشان بدەن

ناس کورد-

ئاڵدار خەلیل، ئەندامی دەستەی هاوسەرۆکایەتی پەیەدە لەسەر هێرشەکانی سوپای تورکیا بۆسەر چەند ناوچەیەکی هەرێمی کوردستابن هاتەدەنگ و ڕایگەیاند، ئەوە بەردەوامی سیاسەتی پاکتاوکردنی گەلی کوردە و پێویستە هێزە سیاسییەکانی کورد دەستوبرد هەڵویست نیشان بدەن و گەلیش بڕژێنەسەر شەقامەکان.

کەناڵی ناس کورد لە تێلیگرام جۆین بکە   

 

خەلیل لە لێدوانێکیدا بۆ ئاژانسی هاوارنیوز ڕایگەیاند: "هێرشی سوپای داگیرکەری تورک بۆسەر چیاکانی کوردستان و کەمپی مەخمور و شەنگال، بەردەوامی سیاسەتی پاکتاوکردنی گەلەکەمانە لەلایەن دەوڵەتی تورکەوە و بۆ تێکشکاندنی ئیرادەی بەرخۆدانی کوردستانە".

 

ئاماژەی بەوەشکردووە: "تورکیا لەوڕێگەیەوە هەوڵدەدات شەنگال نائارام و مەترسیدار نیشانبدات تا دانیشتووانەکەی نەگەڕێنەوە بۆسەر خاکەکەی خۆیان".

 

ئەو بەرپرسەی پەیەدە ئەوەشی خستووەتەڕوو: " پێویستە هێزە کوردییەکان دەستوبرد هەڵویستێکی ڕوون نیشان بدەن لەوبارەیەوە و بێدەنگ نەبن، گەلەکەشمان لە ناوخۆ و دەرەوەی وڵات بڕژێنەسەر شەقامەکان و هەڵویستیان هەبێت و بوونی گەلی کورد نیشان بدەن".

 

ئەمە لەکاتێکدایە، درەنگانی شەوی ڕابردوو، تورکیا دەستپێکردنى ئۆپراسیۆنێکى سەربازى لەژێر ناوى (چڕنوکى هەڵۆ) لە هەرێمى کوردستان دژ بە بارەگاکانى پارتى کرێکارانى کوردستان (پەکەکە) دەستپێکرد و لەو چوارچێوەیەدا بۆردومانى چەند ناوچەیەکى لە هەرێمى کوردستان ئەنجامدا و تائێستاش حکومەتى هەرێم و عێراق لەئەنجامدانى هێرشەکان و ئۆپراسیۆنەکە بێدەنگن.