گه‌ڕان

Shadow Shadow
سیاسه‌تی

توێژینەوەیەکی نوێ: ڤاكسینی دژە ئیفلیجی منداڵان مرۆڤ لە كۆرۆنا دەپارێزێت

2020.06.15 - 10:15
توێژینەوەیەکی نوێ: ڤاكسینی دژە ئیفلیجی منداڵان مرۆڤ لە كۆرۆنا دەپارێزێت

 

ناس کورد- 

بەپێی نوێترین توێژینەوە كە لەئەمریكا ئەنجامدراوە لەبارەی كاریگەری ڤاكسینەكانەوە، دەرکەوتووە کە ڤاكسینی دژە ئیفلیجی مناڵان بەرگریی لەشی مرۆڤ بەرامبەر ڤایرۆسی كۆرۆنا بەهێز دەكات.

 

ڕۆژنامەی جیرۆزەلیم پۆست بڵاوی كردووەتەوە، تیمێك لەتوێژەران پێشنیاری ئەوەیان كردووە، ڤاكسینەكانی دژە ئیفلیجی مناڵان دەتوانرێت وەكو چارەسەرێکی كاریگەر بەكاربهێنرێت لەدژی پەتای كۆرۆنا و نرخەكەشی لەبازاڕدا هەرزانە.

 

تیمێك لەتوێژەران كەلەلایەن كۆنستانتین شۆماكۆڤ،  جێگری بەرێوەبەری بەشی توێژینەوە لە دەزگای خۆراك و دەرمانی ئەمریكا و دكتۆر ڕۆبرت گالۆ، توێژەر لەپەیمانگای زانستی ڤایرۆسناسی زانكۆی میریلاند سەرپەرشتی دەكرێن، جەختیان لەسەر ئەوە كردووەتەوە، چەند ڤاكسینێك كە ئێستا هەن دەتوانن یارمەتیدەربن بۆخۆپارێزی لەپەتای كۆرۆنا، لەسەرووی هەموویانەوە ڤاكسینی دژە ئیفلیجی مناڵان.

 

لەتوێژینەوەكەیاندا ئەو توێژەرانە ئاماژەیان بۆ ئەوەشكردووە، ئەو ڤاكسینەی كە ساڵانی پەنجاكان بەرهەمهێنراوە خۆپارێزی لەچەند پەتایەك لەناویشیاندا پەتای كۆرۆنا دروستدەكات.

 

باسیان لەوەشكردووە، بەپێی توێژینەوەیەك کە لە بەنگلادش ئەنجامدراوە، ڤاكسینەكە شوینەوارەكانی پەتای سكچوونی بەكتریایی كەمدەكاتەوە، هەروەها بەرگری دژی چەند نەخۆشیەك دروسکردووە، لەوانە نەخۆشی گوێی ناوەڕاست، سەرباری ئەوەش بەرگریی كۆئەندامی هەناسەدانی منداڵیشی لە دانیمارك دروستكردووە.

 

توێژەران ئەوەشیان ڕوونكردووەتەوە، ڤاكسینی (OPV) دژی ئیفلجیی مناڵان چەند تایبەتمەندییەكی تری هەیە كە جیاوازە لەڤاكسینەكانی تر و لەسەرتاسەری جیهانیشدا سەركەوتووبووە لەبەرگری دروستكردن لەدژی ئیفلیجی مناڵان.

 

بەوتەی شارەزایانی بوارەكە، ڤاكسینی دژە ئیفلیجی مناڵان تێچووشی كەمە و ساڵانە ملیارەها دڵۆپەی لێ دروستدەكرێت بۆ زیاتر 140 وڵاتی جیهان.