گه‌ڕان

Shadow Shadow
سیاسه‌تی

پڕۆژەکە ئامادەیە بۆ دەنگدان لەسەرى

حكومەت و پەرلەمانی عێراق لەسەر پڕۆژە یاسای بیمەی تەندروستی ڕێکكەوتن

2020.06.14 - 20:32
حكومەت و پەرلەمانی عێراق لەسەر پڕۆژە یاسای بیمەی تەندروستی ڕێکكەوتن

ناس کورد- 

ئەندامێكی لیژنەی تەندروستی پەرلەمانی عێراق ڕایگەیاند، لیژنەیەك بۆ چارەسەركردنی ناكۆكیەكانی نێوان پەرلەمان و حكومەت لەسەر پڕۆژە یاسای بیمەی تەندروستی پێكهێنراوە و كیشە و ناكۆكیەكانیش چارەسەركراون و پڕۆژەكەش ئامادەیە بۆ دەنگدان.

 

غەبایب عەمیری، ئەندامی لیژنەی تەندروستی لەپەرلەمانی عێراق بەمیدیاكانی وڵاتەكەی ڕاگەیاندووە، لیژنەیەكی هاوبەش پێكهێنراوە و گەیشتووەتە خاڵێكی چارەسەر بۆ ناكۆكی لەسەر یاسای بیمەی تەندروستی.

 

ئاماژەی بۆ ئەوەش كردووە، یاسای تەندروستی خوێندنەوەی یەكەم و دووەمی بۆ كراوە بەڵام چەند خاڵێكی ناكۆكی لەسەر پڕۆژە یاساكە لەنێوان حكومەت و پەرلەماندا هەیە بۆیە لیژنەیەك لەئەندامانی لیژنەی تەندروستی و ژینگە و وەزارەتی تەندروستی پێكهێنراوە هەروەها نوێنەری سەندیكاكانی پزیشكی و تەندروستی و پەرستارانیشی تێدایە و چەندین گفتوگۆیان بۆ تاوتوێكردنی ئەو خاڵە ناكۆكانە ئەنجامداوە و لەئاكامدا هەموو ئەو ئاڵۆزیی و ڕاجیایانەش چارەسەر كراون.



ئەندامەكەی لیژنەی  تەندروستی ڕوونیكردەوە، گەیشتوونەتە شێوازێكی كۆتایی لەسەر پڕۆژە یاساكە و ئامادەیە بۆ دەنگدان  و پڕۆژە یاسای بیمەكەش هاریكارێكی باشی چینی هەژاران دەكات و دەبێتە دەسپێشخەرییەكی باش بۆ جێبەجێکردنى چاكسازی لەكەرتی تەندروستیدا.