گه‌ڕان

Shadow Shadow
سیاسه‌تی

توێژینەوەیەکى نوێ: تووشبون بە پەتا و سەرما بەرگرى جەستە دژى كۆرۆنا زياد دەكات

2020.06.12 - 21:40
توێژینەوەیەکى نوێ: تووشبون بە پەتا و سەرما بەرگرى جەستە دژى كۆرۆنا زياد دەكات

ناس کورد-

تووشبون بە پەتا و سەرما بەرگرى جەستە دژى پەتاى ڤايرۆسى كۆرۆنا COVID-19 زياد دەكات، ئەوەش بەپێی توێژینەوەیەکى نوێ کە ڕۆژنامەى "دەيلى مەيڵ" ى بەريتانى بڵاویکردووەتەوە.

 

بەپێى توێژینەوەکە، هەندێك لەو نەخۆشيانەى كە پەيوەنديان بە سەرمابونەوە هەيە لە ڤايرۆسى كۆرۆنا دەتپارێزن و بەرگرى جەستە زياد دەكات ئەوانەى كە توشى پەتا بون و هۆكارەكەى ڤايرۆسێك بوە لە خێزانى ڤايرۆسى كۆرۆنا كە بە "ڤايرۆسى پيتاكۆرۆنا" ناسراون دەبێتە هۆى ئەوەى بەرگرى دژى كۆرۆناى نوێ دروست بكەن و ئەگەر توشيش ببن ئەوا بەشێوەيەكى سوك توشدەبن.

 

ڕۆژنامەكە ئاماژەى بەوەشداوە، ڤايرۆسەكانى پيتاكۆرۆنا هۆكارى زۆرێك لە پەتا ئاساييەكانن كە دەبنە هۆى هەوكردنى توند لە سيستمى هەناسەدان لە منداڵ و بەتەمەنەكانيشدا، ئەو ڤايرۆسانە هەمان تايبەتمەندى بۆماوەيى "كۆرۆناى نوێ" و "سارس" و "مێڕس"يان هەيە.

 

لێكۆڵينەوەكە جەختیكردووەتەوە، ئەو بەرگريەى كە بەهۆى توشبون بە پەتاوە دروست دەبێت ماوەيەكى زۆر و چەندين ساڵ بەردەوام دەبێت ئەوەش بە سەيركردنى ئەوەى كە بە "بيرەوەرى" ناسراوە كە جۆرێكى خڕۆكەى سپى خوێنە كە بەشێكى گەورەى سيستمى بەرگرى مرۆڤ پێكدەهێنێت.

 

ئەو بيرەوەريە هێڵى دوەمى بەرگريە دژى ڤايرۆسى كۆرۆنا و دواى هەفتەيەك لە توشبوون بە ڤايرۆس چالاك دەبێت.