وێنە؛ لە ڕووداوێکی هاتوچۆدا لە نزیک چەمچەماڵ چوار کەس گیانیانلەدەستدا

ناس کورد-

 

وتەبێژی هاتوچۆی چەمچەماڵ ڕایگەیاند بەهۆی رووداوێکی هاتوچۆوە لەنزیک ناحیەی تەکێی سەربە قەزای چەمچەمال چوار کەس گیانیانلەدەستدا و ژمارەیەکی دیکەش برینداربوون.

کەناڵی ناس کورد لە تێلیگرام جۆین بکە   

 

شێرزاد محەمەد، وتەبێژی هاتوچۆی چەمچەماڵ بە ناس کوردی ڕاگەیاند: "پاشنیوەڕۆی ئەمڕۆ ڕووداوێکی هاتوچۆی سەخت لەڕێگای نێوان کەرکوک – سلێمانی لە نزیک ناحیەی تەکێ لەنێوان دوو ئۆتۆمبێلی جۆری پیکابدا ڕوویداوە".

 

ئاماژەی بەوەشکرد، لە ئەنجامی ڕووداوەکەدا چوار کەس گیانیانلەدەستداوە و ژمارەیەکی دیکەش برینداربوون، بەڵام تاوەکو ئێستا نازانن چەند کەسن و تەندروستییان چۆنە.

 

ڕوونیشیکردەوە، ڕووداوەکە بەهۆی ئەوەوە بووە یەکێک لە ئۆتۆمبێلەکان کۆنتڕۆڵی خۆی لەدەستداوە و چووەتە سایدی بەرامبەر و خۆی کێشاوە بە ئۆتۆمبێلەکەی دیکەدا.