گه‌ڕان

Shadow Shadow
سیاسه‌تی

’عامری و ئەبولفەزڵ و كەتیبەكانی ئیمامی عەلی تێدایە’

پێشنیاری خستنە لیستی تیرۆری چەند گروپ و كەسایەتیەكی دیكەی عێراق دەكرێت

2020.06.11 - 09:37
App store icon Play store icon Play store icon
پێشنیاری خستنە لیستی تیرۆری چەند گروپ و كەسایەتیەكی دیكەی عێراق دەكرێت

ناس کورد- 

لیژنەى توێژینەوەکانى پارتى کۆمارى ئەمریکا راپۆرتێکى ئامادەکردووە لەبارەى ئەو میلیشیا چەکدارانەى عێراق کە نزیکن لە ئێران و لە کردەوەى تیرۆر تێوەگلاون و پێشنیارى ئەوەى کردووە ئەو گروپانە بخرێنە لیستى تیرۆرەوە کە ناوى زۆرێک لە سەرکردەکانى میلیشیاکانى عێراقى تێدایە. 

 

کەناڵی ناس کورد لە تێلیگرام جۆین بکە   

راپۆرتەکەى لیژنەی توێژینەوەكانی سەر بەپارتى كۆماری لەكۆنگرێسی ئەمریكا لەسەر چالاكی ئەو گروپ و كەسایەتیانە کراوە كە بەشداریان لە پلانەكانی سوپای پاسدارانی ئێران كردووە لەعێراق و سوریا و لوبنان و یەمەن، داوا كراوە میلیشیا چەكدارەكانی نزیك لەئێران ئەوانەی كە لەكردەی تیرۆر تێوەگلاون، بخرێنە لیستی تیرۆرەوە.

 

لەڕاپۆرتەكەدا ئەوەش هاتووە، لەو كاتەوەی سوپای پاسداران دروستبووە، سەرپەرشتی چەند گروپێكی چەكداری كردووە و مەشق و ڕاهێنانی پێكردوون لەوانە ڕێكخراوی بەدر كە شانبەشانی ئێران بەشداری شەڕی ئێران عێراقی كردووە.

 

ئاماژە بۆ ئەوەش كراوە، هادی عامری سەرۆكی ڕێكخراوی بەدر لەهێرشی تیرۆریستی بۆ سەر باڵێوزخانەی ئەمریكا لەبەغدا لەمانگی كانوونی دووەمی ساڵی 2019 بەشدارى کردووە.

 

ڕاپۆرتەكە ئەوەشی ڕوونكردووەتەوە، لەسەرەتای سەرهەڵدانی داعش لەساڵی 2014 وەزارەتی دەرەوەی ئەمریكا نزیكەی یەك ملیار و 200 هەزار دۆلاری وەكو هاریكاری سەربازی بەخشیووە و 4 سەد ملیۆن و 200 هەزار دۆلاری بۆ مەشقی سەربازی بەهێزەكانی عێراق تەرخانكردووە، هەروەها وەزارەتی بەرگریش 4 ملیار دۆلاری بەخشیووەتە هێزەكانی عێراق بۆ شەڕی دژی داعش.

 

ڕاپۆرتەكە رونیدەکاتەوە، لەو ماوانەدا وەزارەتی ناوخۆ لەژێر سەرپەرشتی ڕێكخراوی بەدردا كاری كردووە بۆ بەرژەوەندی ئێران لەڕێگەی قاسم ئەعرەجی وەزیری ناوخۆی ئەوكاتە.

 

گەرچی بەفەرمی ئەوە دیارینەكراوە كە ئەو رێكخراوە وەزارەتی ناوخۆ بەڕێوەدەبات بەڵام تا ئێستاش ڕۆڵی سەرەكی تێدا دەگێڕێت، چونكە زۆربەی فەرماندەكانی پۆلیسی فیدراڵی چالاكانی ڕێكخراوی بەدرن.

 

ڕاپۆرتەكە ئاماژەى بۆ ئەوە کردووە، گەرچی چەند گروپێكی میلیشیای سەر بەئێران خراونەتە لیستی تیرۆرەوە لەوانە زەینەبی و فاتمیی و نوجەباكان و عەسائیبی ئەهلی هەق بەڵام چەند گروپێكی تر ماون نەخراونەتە ئەو لیستەوە و لەلایەن سوپای پاسدارانەوە سەرپەرشتی دەكرێن.

 

ڕاپۆرتەكە بەپێویستیشی زانیوە كۆنگرێس ڕێكخراوی بەدر و هادی عامری بخاتە لیستی تیرۆرەوە و شانبەشانی میلیشیا چەكدارەكانی تریش لەعێراق بخرێنە ئەو لیستەوە، لەوانەش كەتیبەكانی ئیمام عەلی، سەرییەكانی خۆراسانی و كەتیبەكانی سەیدولوشوهەدا و لیوای ئەبو فەزڵ عەبا و جوڵانەوەی ئەوفیا و جوڵانەوەی جوندی ئیسلام و سەرییەكانی عاشورا.

 

ئەوەش خراوەتە ڕوو، ئەو گروپانەی سەر بەئێرانن تەنها نین كە مانگی نیسانی ئەمساڵ بەڵێنی ڕوبەڕووبونەوەی ئەمریكایاندا.

 

ڕاپۆرتەكە داواشى كردووە، كۆنگرێس داوای ڕاپۆرتی ساڵانە لەوەزارەتی دەرەوە بكات لەسەر جموجۆڵی ئەو گروپە نوێیانەی كە لەلایەن سوپای پاسدارانی ئێرانەوە لەعێراقدا سەرپەرشتی دەكرێن.

 

داواشكراوە ڕاپۆرتێكی تر ئامادە بكرێت لەسەر ئەو گروپانەی نوێنەرایەتی حەشدی شەعبی و هێزە ئەمنیەكانی تر دەكەن و لەلایەن ئێرانەوە پاڵپشتی دەكرێن و بەشداریان لەشەڕی دژی داعشدا كردووە.

 

هەر لەڕاپۆرتەكەشدا هاتووە، ژمارەی میلیشیا چەكدارەكانی سەر بەئێران لەسوریا و عێراق دەگەنە 100 هەزار چەكدار.

 

بەگوێرەى راپۆرتەکە بەپێویستزانراوە، ئەو ڕاپۆرتەی كە پێشكەشی كۆنگرێس دەكرێت ئەمانەی تێدا بێت، ژمارەی میلیشیاكان كە ئێران پاڵپشتیان دەكات و سودیان لەهاریكارییەكانی ئەمریكا بینیوە، هەروەها هەموو ئەو میلیشیایانەی كە هەڕەشەیان لەئەمریكا كردووە یاخود كار لەگەڵ ڕێكخراوە تیرۆریستیەكاندا دەكەن.

 

لەڕاپۆرتەكەشدا داوای ئەوە كراوە، هەموو ئەو هەڕەشانە دەستنیشانبكرێن بەهۆی ستراتیژیەتی كاركردن لەگەڵ ئێراندا بۆ بەرەنگاری داعش دروستدەبێت، هەروەها پەیوەندییەكانی نێوان حەشدی شەعبی و گروپە تیرۆریستیەكان و گروپەكانی سەر بەئێران ئاشكرا بكرێن هەروەها ئەو مەترسیانەی كە حەشدی شەعبی هەیەتی بۆ سەر ئاسایشی نەتەوەیی ئەمریكا و ئیسرائیل و هەرێمی كوردستان و سعودیە و ئوردون ومیسر چەند هاوپەیمانێكی تر ئاشكرا بكرێت.