دەرئەنجامى نوێ لە وەزارەتى تەندروستییەوە ..چەند توشبویەکى نوێ لە دهۆک و گەرمیان

ناس کورد-

وەزارەتى تەندروستى حکومەتى هەرێمى کوردستان راگەیەندراوێکى لەبارەى تۆمارکردنى چەند توشبوویەکى نوێ لە پارێزگاى دهۆک و گەرمیان بڵاوکردەوە.

 

بەگوێرەى راگەیەندراوەکە، لە بەردەوامی پشکنینەکان و گەڕان بەدوای تووشبووان، سێ تووشبووی دیکەی ڤایرۆسی کۆڕۆنای نوێ COVID-19 لە پارێزگای دھۆك دەستنیشانکراوون.

 

بەگوێرەى راگەیەندراوەکە توشبووە نوێکانى دهۆک، خێزانێکن پیاوێك تەمەن ٣٦ ساڵ و ئافرەتێك تەمەن ٣٣ ساڵ و منداڵێك تەمەن ١٥ مانگ،  بەرکەوتووی تووشبووانی پێشوون و لە کەرەنتین بوون و دانیشتووی ناو شاری دھۆکن.

 

هاوکات ئاماژە بەوە کراوە کە لە دەڤەرى گەرمیان نۆزدە توشبوى نوێى ڤایرۆسى کۆرۆنا تۆمارکراوە.

 

لەبارەى توشبووە نوێکانى گەرمیان لە راگەیەندراوەکەدا رونکراوەتەوە، سێزدە پیاو و شەش ئافرەت، گشت توشبووەکان بەرکەوتووی تووشبووانی پێشوون.

 

لە راگەیەندراوەکەدا پۆڵێنى توشبووەکان بەمجۆرە کراوە :

ھەژدە تووشبوو دانیشتووی ناو قەزای کەلار.

یەك تووشبوو دانیشتووی شاری سلێمانی.