گه‌ڕان

Shadow Shadow
سیاسه‌تی

ئەندامێكى ليژنەى ئابورى پەرلەمان: قەرزى دەرەكى پیلانە بۆ مايەپوچكردنى عێراق

2020.06.09 - 20:45
App store icon Play store icon Play store icon
ئەندامێكى ليژنەى ئابورى پەرلەمان: قەرزى دەرەكى پیلانە بۆ مايەپوچكردنى عێراق

ناس کورد-

عەلى سەعدون لامى، ئەندامى ليژنەى ئابورى و وەبەرهێنانى پەرلەمانى عێراق پێى وايە، پەنابردنى عێراق بۆ قەرزى دەرەكى بۆ پڕكردنەوەى كوردتهێنانى بودجە پیلانگێڕيیەكە بۆ مايەپوچكردنى عێراق و لەناوبردنى ئابوريەكەى.

کەناڵی ناس کورد لە تێلیگرام جۆین بکە   

 

لامى لە لێدوانێكى ڕۆژنامەوانيدا باسى لەوەكردووە، پەنابردن بۆ قەرزى دەرەوە لە بانكى نێودەوڵەتى بۆ پڕكردنەوە كورتهێنانى بودجە پیلانگێڕى هەندێك دەوڵەتە.

 

ئاماژەى بەوەشداوە، ئامانجى ئەو پیلانگێڕيیە مايەپوچكردنى عێراق و لەناوبردنى ئابوريەكەيەتى، چەندين كەس هەن كە تێوەگلاون لەوەى كە عێراق ببەستنەوە و نغرۆى بكەن لە قەرزدا.

 

ئەندامەكەى ليژنەى ئابورى و وەبەرهێنانى پەرلەمانى عێراق دەشڵێت، لەسەر حكومەت پێويستە كار لەسەر كۆكردنەوەى داهاتى تر بكات وەك خاڵە سنوريەكان و گومرگ و پەيوەنديەكان و كەمكردنەوەى هەندێك لە گەشتەكان كە پێويست نييە، ئەو كاتە دەتوانێت بەو داهاتە كورتهێنان پڕ بكاتەوە، پێش ئەوەى پەنا بۆ قەرز كردن ببات.

 

پێشتريش چەندين بەرپرس و پەرلەمانتار و كەسايەتى ئابورى هۆشداريان داوە لە قەرزى دەرکی و پێيانوايە بەستنەوەى عێراق بە بانكى نێودەوڵەتى و سندوقى نەختينەى نێودەوڵەتيیەوە تا ماوە لە ژێر قەرزدا دەناڵێنێت، چونكە ئەو زيادەيەى دەچێتە سەرى زۆرە.

 

بەهۆى دابەزينى نرخى نەوتەوە عێراق ڕوبەڕوى قەيرانێكى ئابورى سەخت بوەتەوە و بە پارەى نەوت كە زياتر لە 96% ى بودجەكەى پێكدەهێنێت تەنها دەتوانێت 20% ى موچە و بودجەى كارپێكردنى پێ دابين بكات.

 

دابەزينى بەرچاوى نرخى نەوت بەهۆى كەمبونەوەى خواستەوە دروستبوە لەسەرى كە بەهۆى بڵاوبونەوەى ڤايرۆسى كۆرۆناوە كە زۆرينەى وڵاتانى جيهان كەرەنتينە و داخستنيان ڕاگەياند و زۆرينەى كۆمپانيا زەبەلاحەكانى جيهان لەكاركردن وەستان، ئەوەش سەرەڕاى كەبونەوەى بەكارهێنانى سوتەمەنى بەتايبەت لەلايەن هۆكارەكانى هاتوچۆوە لە جيهاندا.