گه‌ڕان

Shadow Shadow
چیرۆكه‌كانمان

ئەو کامپانە بۆ دوو مانگ دروستکران نەک بۆ شەش ساڵ

هۆشداری دەدرێت لە خراپی بارودۆخی ئاوارەکانی نێو کامپەکانی هەرێم

2019.04.14 - 22:19
App store icon Play store icon Play store icon
هۆشداری دەدرێت لە  خراپی  بارودۆخی ئاوارەکانی نێو کامپەکانی هەرێم

کەناڵی ناس کورد لە تێلیگرام جۆین بکە   

 

 

ناس كورد- فوئاد عەبدوڵا

.

ڕاوێژكار و چاودێرێكی نەتەوەیەكگرتووەکان لە عێراق، هۆشداری دەدات لە خراپی بارودۆخی ئاوارەکانی بەشێک لە کامپەکانی هەرێمی کوردستان.

.

خالید مەحمود ڕاوێژكار و چاودێری نەتەوەیەكگرتووەکان لە عێراق تایبەت بە ناس كورد-ی ڕاگەیاند: "نزیكەی 300 هەزار كەس لە نێو کامپەکانی هەرێمدا لە گوزەرانێكی زۆر قورسدا ژیان بەسەر دەبەن، گرفتی نەبوونی خۆراك و ئاوی پاك و خوێندنگەیان هەیە، ئەو كامپانە بۆ دوو مانگ دروستكراون نەك بۆ ئەوەی شەش ساڵ ئاوارەکان ژیانی تێدا بەسەر ببەن".

.

"حكومەتی عێراق وخودی وەزارەتی كۆچوکۆچبەرانی عێراق، زۆر بێباك و خەمساردن لە چارەسەركردنی كێشەی ئەو ئاوارانە، هەوڵی گەڕاندنەوەیان نادەن بۆ زێدی خۆیان، كە ئەمەش پێشێلكردنی مافەكانی مروڤە"، ڕاوێژکارەکەی نەتەوەیەکگرتووەکان وای وت.

.

خالید مەحمود كە هاوكات سەرۆكی ڕێكخراوی جیهانی مافەكانی مرۆڤە لە عێراق، داوا لە سەرۆككۆمار و حكومەتی عێراق و ڕێكخراوەكانی مافی مروڤ دەكات، پەلە بكەن لە دۆزینەوەی چارەسەرێك بۆ ئەو ژمارە زۆرەی ئاوارەی نێو كامپەكان، بە مەبەستی ڕێگریكردن لە هەر دۆخێكی مرۆیی نەخوازراو و بڵاوبوونەوەی نەخۆشی كوشندە لە نێو کەمپەکاندا.

.

لە کاتی شەڕی داعشدا هاوڵاتیانی شارەکانی ناوەڕاست و خوارووی عێراق ئاوارەی هەرێمی کوردستان بوون، وێڕای گەڕانەوەی بەشێکیان بۆ زێدی خۆیان، بەڵام بەهۆی ئاوەدان نەبوونەوەی ناوچەکانی خۆیان بەشێکیان ژیانی کامپەکانی هەرێمیان لا پەسەندترە و ماونەتەوە.

.

.