گه‌ڕان

Shadow Shadow
سیاسه‌تی

لەلایەن گروپی سوڵتان موراد ڕفێندرابوو

ڕۆژئاواى کوردستان؛ تەرمى کچێکى کورد دۆزرایەوە 

2020.06.07 - 23:48
App store icon Play store icon Play store icon
ڕۆژئاواى کوردستان؛ تەرمى کچێکى کورد دۆزرایەوە 

ناس کورد- 

تەرمی كچێكی 16 ساڵە لەگوندێكی سەر بەشاری ئەعزازی سوریا دەدۆزرێتەوە كە كۆتایی مانگی ڕابردوو لەلایەن میلشیاكانی سوڵتان مورادی سەر بەتوركیاوە دەڕفێنرێت پاش دەستدرێژیكردنە سەرى دەكوژرێت.

 

کەناڵی ناس کورد لە تێلیگرام جۆین بکە   

میدیاكانی ڕۆژئاوای كوردستان بڵاویان كردەوە، خەڵكی گوندی دەرۆیش تەرمی مەلیك خەلیلی تەمەن 16 ساڵەیان دۆزیوەتەوە كە پێش 2 هەفتە لەلایەن گروپی سوڵتان موراد كە یەكێكە لە میلیشیاكانی سەر بە توركیا ڕفاندوویانە.

 

مانگی ڕابردووش لەڕێكەوتی 18ی ئایار، ئەو گروپە كچێكی دیكەیان ڕفاند و دەستدرێژییان كردە سەر و دواتر بەزەبری هێز ناچاریان بەهاوسەرگیری لەگەڵ ئەندامێکی گروپەكەدا كرد.

 

توركیا گروپی سوڵتان مورادی لەناوچەی عەفرین بەكاردەهێنێت بۆ كردەوەی ڕفاندن و خەڵك كوشتن و تاڵانی و لەپێناو زاڵبوونی هەژموونی خۆی.

 

هەر بەگوێرەی میدیاكانی ڕۆژئاوا، ئەو میلیشیایانە زۆربەیان پەیوەندییان بەتوركمانەكانی سوریاوە هەیە و ئەنكەرە پارە و پاڵپشتی سەربازی بۆ كاری تێكدەرانە دەخاتە بەردەستیان.

 

لەئاداری ساڵی 2018ەوە سوپای توركیا و میلیشیاكانی ناوچەی عەفرینیان خستووەتە ژێر ڕكێفی خۆیانەوە كە ئەو ناوچەیەش سێیەمین هەرێمی خۆبەڕێوبەری ڕۆژئاوای كوردستانە.