گه‌ڕان

Shadow Shadow
سیاسه‌تی

چۆن کاریان کردووە؟

’’كتێبى سپی’’.. چین نهێنی تێکشکاندنی کۆرۆنا بۆ جیهان ئاشکرا دەکات

2020.06.07 - 15:35
App store icon Play store icon Play store icon
’’كتێبى سپی’’.. چین نهێنی تێکشکاندنی کۆرۆنا بۆ جیهان ئاشکرا دەکات

ناس کورد-

چین لە کتێبێکدا چۆنیەتى زاڵبوون بەسەر ڤایرۆسى کۆرۆنا و کۆنتڕۆڵکردنى پەتاکە ئاشکرادەکات، دواى ئەوەى ڤایرۆسەکە لەو وڵاتەوە بە سەرتاسەرى جیهاندا بڵاوبووەوە.

کەناڵی ناس کورد لە تێلیگرام جۆین بکە   

 

کتێبەکە ناوى (كتێبی سپی)یە لەلایەن نوسینگەی میدیایی ئەنجومەنی دەوڵەتی چینەوە بڵاوکراوەتەوە كە تایبەتە بەچۆنیەتی بڵاوبوونەوەی پەتای ڤایرۆسی كۆرۆنا و ڕوونكردنەوەی سەرجەم ئەو میكانیزمانەی دەوڵەت و كۆمەڵگەی چینی بۆ شەڕی پەتاكە گرتوویەتیەبەر ئەوەش بووەتە هۆی ئەوەى بەسەركەوتوو تیایدا دەربچێت.

 

كتێبەكە سەركەوتنی چین بەسەر پەتای كۆرۆنادا بۆ چەند هۆكارێك دەگەرێنێتەوە كە گرنگترینیان پشبەستنە بە ستراتیژیەتی "ناوەندەكانی چارەسەری كاتی" بەتایبەتی بۆ چارەسەری توشبووان و پشتبەستن بە پزیشكی كۆنی چینی كە بۆ چارەسەر كردنی نزیكەی 92% حاڵەتەكان بەكارهێنراوە.



لە كتێبی سپیدا هاتووە، ناوەندە كاتییەكانی چارەسەركردن یاخود ئەوەی كە پیێاندەوترێت (ڤانگتسانگ)، زووتر چارەسەرێكی داناوە بێ ئەوەی پەتاكە بەسەرتاپای چیندا بڵاو ببێتەوە.



بەپێی كتێبی سپی، شاری ووهانی ناوەندی بڵاوبونەوەی ڤایرۆسەكە، هەموو یاریگا و پێشانگا و چەند شوێنێكی تری بۆ 16 ناوەندی چارەسەری خێرا گۆڕی و نزیكەی 15 هەزار قەرەوێڵەش لەو ناوەندانەدا دروستكران بۆ لەخۆگرتنی سەرجەم حاڵەتە بێ مەترسیەكان.

 

ئەوەش ڕوونكراوەتەوە گرتنەبەری ئەو جۆرە ڕێوشوێنانە سنوری بۆ زیاتر بڵاوبونەوەی پەتاكە بەناو کۆمەڵگەی چینیدا داناوە و هەروەها ڕێگری لە خراپتربوونی حاڵەتە سووكەكانیش كردووە.

 

هاوكات كتێبەكە ئەوەشی باسكردووە، ڕێژەی چارەسەر لە پەتای ڤایرۆسی كۆرۆنا لەناو چیندا گەیشتووەتە 94.3 %.

 

لەسەرەتای بڵاوبونەوەی ڤایرۆسەكەوە تا كۆتایی مانگی ئایاری ڕابردوو، 83 هەزار و 17 كەس تووشی ڤایرۆسەكە بوون لەناوخۆی چینەوە و لەوانەش 78 هەزار و 307 كەسیان چاكبوونەوە و 4 هەزار و 634 كەسیان بەهۆی ڤایرۆسەكەوە مردن.

 

هەر لەكتێبە سپیەكەدا ئەوەش ڕونكراوەتەوە، چەند پڕۆتۆكۆڵێك بۆ پشكنین و چارەسەركردن بەپزیشكی كۆن بۆ ڕێگریكردن لەپەتاكە و چارەسەركردنی حاڵەتە قورس و سوك و مامناوەندەكان كراوە.

 

ئاماژە بۆ ئەوەشكراوە، زیاتر لە 90% حاڵەتە پۆزەتیڤەكان لە هەرێمی هۆبی چارەسەری پزیشكی كۆنی چینیان بۆ كراوە و كاریگەریەكەشی بۆ چاكبوونەوە دەركەوتووە.

 

كتێبە سپیەكەی چین دەشڵێت، بەرپرسانی چین چارەسەری پزیشكیان بۆ هەموو نەخۆشێك خستووەتە بەردەست و تا 31 ئایاری مانگی ڕابردووش، لەرێگەی بیمەی پزیشكیەوە جلی پزیشكی بۆ 58 هەزار نەخۆش دابینكراوە كە نرخەكەیان گەیشتووەتە 190 ملیۆن دۆلار.

 

كتێبەكە ئەوەشی دركاندووە، چین بڕوای تەواوی بەوە هەیە گەر هەموو وڵاتان هاریكاری یەكتر بكەن بۆ سەمەلاتی هەمووان ئەوا كۆمەڵگەی نێو دەوڵەتی بەسەر پەتاكەدا زاڵ دەبێت.

 

هەر لەكتێبەكەدا ئەوەش خراوەتە ڕوو، چین وەفای بۆ گیانی پاكی ئەوانە دەبێت كە لەشەڕەكەدا بوونە قوربانی و هەوڵی ڕزگاركردنی ڕۆحی ئەوانی دیكەیاندا و پشتیوانی مەعنەوی ئەوانەش دەكەن كە تووشی پەتاكە بوون و ئێستا چارەسەریان بۆ دەكرێت.

 

ئەوەش باسكراوە، ئەمڕۆ چین تەنها 6 حاڵەتی توشبوون بە كۆرۆنای تۆمار كردووە كە هەموویان لەدەرەوە گەڕاونەتەوە.