گه‌ڕان

Shadow Shadow
سیاسه‌تی

كۆرۆنا و دابەزینی نرخی نەوت 15 هەزار عێراقییان بێکار کردووە

2020.06.06 - 13:22
App store icon Play store icon Play store icon
كۆرۆنا و دابەزینی نرخی نەوت 15 هەزار عێراقییان بێکار کردووە

ناس کورد-

بەهۆی دابەزینی نرخی نەوت و قەیرانی كۆرۆناوە نزیكەی 15 هەزار كارمەندی كۆمپانیاكانی نەوت لە عێراقدا لە بوارەکانی سیكویریتی و باركردن و گواستنەوە دەركراون، ئەوەش ناڕەزایەتی زۆری لێكەوتووەتەوە و حكومەتی عێراقیش فشاری كردووە بۆ چارەسەركردنی بەشێك لەو كێشانە، ئەوەش بەپێی ڕاپۆرتێكی ئاژانسی ڕۆیتەرز.

کەناڵی ناس کورد لە تێلیگرام جۆین بکە   

 

محەمەد حەیدەر یەكێكە لەو كارمەندانەی كە گرێبەستی دامەزراندنی لەگەڵ كێڵگەیەكی نەوتی لە خوارووی عێراقدا كردووە بۆ ئەوەی وەكو كارمەندی پاسەوان بۆ ماوەی ساڵێك كاربكات، پێی وابووە ئیدی كەوتووەتە دۆخێكی جێگرەوە، بەڵام دوای سێ ڕۆژ بێكار بووە.

 

محەمەد كە تەمەنی 38 ساڵە بۆ دەربڕینی ناڕەزایەتی چووەتە بەردەم بارەگای كۆمپانیای نەوتی بەسرە و دەڵێت، دەركراوە و گرێبەستەكەشی فڕێدراوەتە سەر شۆستەكان.

 

ئێستا محەمەد كاتەكانی لەماڵەوە بەسەردەبات و لە ئینیتەرنێتەوە بەدوای كارێكدا دەگەڕێت.

 

دەشڵێت، ناتوانێت كاری تاكسیش بكات بەهۆی ئەوەی بیگرن سزای زیندانیكردنی بەسەردا دەسەپێنن یاخود غەرامەی دەكەن بەهۆی گرتنەبەری ڕێوشوێنەكانی بەرەنگاربوونەوەى ڤایرۆسی كۆرۆناوە.

 

محەمەد یەكێكە لەو دەیان هەزار كرێكارەی كە لە كەرتی نەوتی عێراقیدا بوون كە دوای دابەزینی نرخی نەوت لەم ساڵدا لە كارەكانیان دوورخراونەتەوە و بەوەش تووشی گرفتی پارە پەیداكردن بوون.

 

مانگی ئاداری ئەمساڵ، حكومەتی عێراق داوای لە كۆمپانیا نێودەوڵەتیەكانی نەوت كرد بودجەكەیان بەڕێژەی 30% كەم بكەنەوە بەهۆی دابەزینی نرخی نەوتەوە.

 

دوابەدوای ئەوەش كۆمپانیاكان لە ناوخۆەوە دەستیان کرد بە دەركردنی كارمەندەكانیان بەتایبەت ئەو كۆمپانیایانەی كە تایبەت بوون بە سكیوریتی و باركردن و گواستنەوەی نەوت.

 

محەمەد عەبادی كە بەرپرسێكی حكومییە لە بەسرە كە زۆربەی كێڵگە نەوتییەكانی باشور دەكەونە شارەكەوە دەڵێت، كۆمپانیاكان 10 بۆ 15 هەزار كارمەندیان دوور خستووەتەوە كە دەكاتە نزیكەی 80% لەو عێراقیانەی لە كێڵگە نەوتیەكاندا كاریان كردووە.

 

ئاماژەی بۆ ئەوەشكردووە، زۆربەی كارمەندە عێراقیەكان لەو كۆمپانیایانەدا نارچار كراون مۆڵەتی بێ موچە وەربگرن یاخود بەیەكجاریی كارەكانیان بەجێبهێڵن.

 

كۆمپانیای بواری سیكیوریتی بەریتانیەكەش كە گرێبەستی لەگەڵ محەمەد كردووە لێكۆڵینەوە لەو كارە ناكات.

 

نیوە موچە

دەیان سكاڵا گەیەنراوەتە نوسینگەکەی محەمەد عەبادی و داوای بەدواداچونی بەرپرسانی عێراق دەكەن لەكاری ئەو كۆمپانیایانە كە پابەندی گرێبەستەكانیان نەبوون، لەو بارەوە عەبادی دەڵێت، لەگەڵ نزیكەی دوو هەزار ڕێكەوتوون ئەوانەی دەركراون بگەرینرێنەوە بەڵام بەداشكاندنی 50% بۆ 25% لە موچەكانیان بۆ ماوەی چوار مانگ.

 

لای خۆشیەوە، خالد هەمزە، بەرپرسی كۆمپانیایەكی نەوتیە لەشاری بەسڕە ڕایگەیاندووە، حكومەت قبوڵ ناكات بەدەركردنی زۆرە ملێی كارمەندانی ناوخۆی كۆمپانیاكان.

 

ئێستا محەمەد حەیدەر هیوای ئەوە دەخوازێت بەنیوە موچەش بووە بگەرێنرێنەوە سەر كارەكانیان بۆ ئەوەی بژێوی خێزانەكانیان دابین بكەن.